Tempotimor (Dili)-Kandidata Prezidente Repúblika (PR) Independente períodu 2022-2027, Milena Pires, hakarak sai Prezidente Repúbliki hodi halo mudansa ba povu nia moris.

“Ha'u-nia logu kampaña, tinan foun, polítika foun mak dalan ba mudansa no povu nia moris di'ak, tanba ida ne'e mak ha'u hakarak kandidata-an, la'ós atu sai boot, la'ós atubele sa'e karreta di'ak, la'ós atu ba tur iha aitarak laran. Atubele halo buat ruma ba povu nia moris di'ak”, dehan Milena hafoin kampaña dahuluk iha Postu Administrativu Gleno, Munisípiu Ermera, kuarta (02/03).

Tanba, eleisaun preziensiál ne'ebé mak sei hala'o iha loron 19 marsu 2022, ne'e importante loos, atubele kontribui ba Timor-Leste ninia dezenvolvimentu iha futuru.

“Ha’u hamrik iha ne'e ohin loron iha ita-nia oin, tanba hakarak kontribui ba Timor-Leste ida ne'ebé inkluzivu, Timor-Leste ida ne'ebé timoroan hothotu, sinte katak sira hola parte ba ida ne'e”, dehan nia.

Timor-Leste tenke iha oportunidade hanesan ba timoroan hothotu iha no tenke Timor-Leste ida ne'ebé justu, ema hanesan hotu iha justisa nia oin, la'ós justisa ba povu ki'ik de'it.

Tanba hanesan públiku tomak haree no rona bebeik povu nia halerik, katak justisa ne'e ba de'it povu ki'ik maibé ba fali boot sira ladun iha justisa.

Ho situasaun hirak ne'e, Prezidente Repúblika presiza hakbesik-an ba povu, no tenke moris iha povu nia let, labele tur de'it iha Aitarak laran, loroloron taka de'it aan iha Aitarak Laran, husik nia povu moris at iha baze.

“Servisu bele hakna’ar-an iha Aitarak Laran, maibé semana rua hanesan tenke tun ba hamutuk ho povu, haree ho matan, saida mak povu nia moris loroloron, kompriende saida mak povu nia halerik, difikuldade ne'ebé mak iha ita-nia moris loroloron”, hatete nia.

Tanba hanesan públiku hatene katak babain ema barak atu iha de'it etu bikan tolu loron ida atu hán susar teb-tebes, ne'e mak prezidente repúblika presiza sai konsiénsia Estadu Timor-Leste nian, ba saida mak povu nia moris di'ak. (*)

Tempotimor (Dili)-Partidu Demokrátiku (PD) ne’ebé deside hodi avansa ho Mariano ‘Assanami’ Sabino, hanesan Kandidatu Prezidente Repúblika (PR) husi període 2022-2027, tanba hakaparak hapara hanoin no palnu ne’ebé mosu nafatin hodi fahe Timoroan.

Tempotimor (Díli)-Reprezentante Kandidatu Partidu Frente Revolusionáriu Timor-Leste Independente (FRETILIN) Francisco Guterres Lú Olo’, Fernando Dias Gusmão kestiona kona-ba, kandidatu husi Partidu CNRT ho númeru sorteiu 14 ne'ebé tau fotografia rua iha bulletin votu.

Tempotimor (Dili)-Kandidatu Prezidente Repúblika (PR) Independente Períodu 2022-2027, Vergílio da Silva Guterres ‘Lamukan’ hahú hamanas kampaña ho mehi hakarak veta Orsamentu Jerál Estadu (OJE) 2023, bainhira eleitu eleisaun Prezidensiál.

Tempotimor (Dili)-Kandidatu Prezidente Repúblika (PR) 2022-2027, Francisco Guterres ‘Lú Olo’ deklara, sei kontinua defende estabilidade no dezenvolvimentu Timor-Leste nian, tanba husu ba povu tomak atu f’o votu iha loron 19 marsu, iha snetru votasaun sira.

Tempotimor (Dili)-Prezidente Ekipa Susesu Kandidatu Independente Antero Bendito, Fernando Ximenes hatete, sira-nia kandidatu la partisipa iha asina Paktu Eleisaun Pasifiku (PEP) ne’ebé organiza husi Komisaun Nasionál ba Elesiaun sira (CNE), tanba lakohi asina paktu ida ho líder ne’ebé konsidera koruptór.

Tempotimor (Dili)-Komisaun Nasionál ba Eleisaun sira (CNE) konfirma ona kandidatu na’in-aat (4) haesan husi Partidu PD, KHUNTO no kandidatu independente na'in-rua, Isabel no Antero la marka prezensa totál iha Asina Paktu Eleisaun Pasífiku (PEP) ho tema, ‘Kulturál ita promove paz no unidade iha eleisaun prezidente 2022’, tanba kondisaun saúde ne’ebé la permite, maibé kontinua fó apoiu ba atividade aina Paktu Unidade Nasionál (PUN).

Tempotimor (Dili)-Kandidatu Prezidente Repúblika (PR) independente Períodu 2022-2027, Martinho Gusmano da Silva Gusmão, prontu defende diretu profesór sira ba moris di'ak bainhira hetan konfiansa eleitu ba Prezidente Repúblika (PR) iha loron 19 fulan-marsu 2022.

Tempotimor (Dili)-Kandidatu Prezidente Repúblika na’ain-haat (4) la marka prezensa iha asina Paktu Unidade Nasionál (PUN) ne’ebé organiza husi Komisaun Nasionál ba Eleisaun sira (CNE) atubele garante prosesu kampaña no eleisaun prezidnesiál la’o ho hakmate.

Tempotimor (Dili)-Intelektuál Manatutuoan hamutuk ho populasaun no Juventude Atsabe-Ermera pronto fó apoiu ba Kandidatu Prezidente Repúblika, José Ramos Horta no Prezidente Partidu CNRT, Kay Rala Xanana Gusmão iha eleisaun atu filafali ba ukun nasaun hodi bele rezolve problema ne’ebé mosu durante ne’e.