Login to your account

Username *
Password *
Remember Me

Manatutuoan ho Juventude Atsabe Prontu Apoiu Horta-Xanana iha Eleisaun

Portavoz Brigada Joventude Atsabe, Rogerio dos Santos, hato'o hela deklarasaun apoiu Prezidente Partidu CNRT, Xanana Gusmão apoiu kandidatu Ramos Horta, iha Delta, sábadu (26/02). Portavoz Brigada Joventude Atsabe, Rogerio dos Santos, hato'o hela deklarasaun apoiu Prezidente Partidu CNRT, Xanana Gusmão apoiu kandidatu Ramos Horta, iha Delta, sábadu (26/02). Foto Tempo Timor

Tempotimor (Dili)-Intelektuál Manatutuoan hamutuk ho populasaun no Juventude Atsabe-Ermera pronto fó apoiu ba Kandidatu Prezidente Repúblika, José Ramos Horta no Prezidente Partidu CNRT, Kay Rala Xanana Gusmão iha eleisaun atu filafali ba ukun nasaun hodi bele rezolve problema ne’ebé mosu durante ne’e.

“Hakarak la lakohi, sira na’in-rua tenke hamariik filafali hodi ukun, para hadi'a filafali problema violasaun konstutuisaun ne’e, tenke rezolve, hodi hadi'a filafali ita-nia imajen nasaun no eduka ita-nia povu ukun respeita lei sira”, dehan Portavóz Manatutu oan nu’udar mós Prezidente Konsellu Veteranu Manatutu, Boaventura Soares ‘TOCHA’, iha salaun ekontru Juventude Manatutu-Vila, sábadu (26/02).

Tanba Líder na'in-rua hanesan Horta-Xanana jerasaun husi Manatutu nian, tanba ne'e mak organizasaun, arte marsiál ho rituál, juventude, no populasaun sei hamari’ik hamutuk hodi fó vitória ba José Ramos Horta sai Prezidente Repúblika no Prezidente Partidu CNRT, Kay Rala Xanana Gusmão ba Primeiru Ministru.

Maibé, nu’udar Manatutuoan sente preokupa tanba durante iha Governu daualu nia ukun, hamosu de'it problema sosiál barak mak povu hasoru nomós buat barak mak Governu la halo iha kontestu Manatutu nian.

Problema hanesan inundasaun 4 abril 2021, estraga povu nia toos ho natar, inklui irrigasaun ho estrada hetan estragu barak la hetan atensaun husi Governu maibé Governu foku rezolve de'it problema COVID-19 hodi halo povu barak sofre no mutik.

Dadaun ne’e intelektuál Manatutuoan sira komesa dor to dor ba uma komunidade hodi konvese povu atu vota ba númeru kandidatu Horta ho numeru sorteiu 14 iha eleisaun prezidensiál loron 19 Marsu 2022.

 Reprezentante Juventude Manatutuoan, Saturnino Pires hatete, Timor-Leste nu’udar nasaun soberania tenke hala’o eleisaun ho demokrátiku, hodi povu bele ezerse sira-nia votu no hili líder ida ne’ebé sai duni prezidente ba povu tomak no labele sai fali prezidente ba grupu, partidu ida nia interese hodi halo povu sofre no terus bebeik.

“Timor-Leste tenke moris hodi goza demokrásia ho liberdade ho livre, tanba independénsia la’ós fin ka ikus ba ita-nia luta ida ne’e, maibé restaurasaun ba ukun rasik-an hanesan inísiu ita-nia luta hodi hasoru nakukun ne’ebé satan netik iha tempu Liberdade no ukun rasik-an”, dehan nia.

Tanba nakukun ne’ebé uluk povu enfrenta, dadaun liberta ona, ho razaun hirak ne'e, nu’udar Manatutuoan sei hamri’ik hamutuk la mai ho kór partidu politiku ruma, inklui juventude Mananatutu anan sei fó votu ba José Ramos Horta hodi bele eleitu ba Prezidente Repúblika períodu 2022-2027.

Entretantu, Juventude Atsabe, Munisípiu Ermera deklara sira-nia depozita konfiansa ho votu ba Premiadu Novel da Paz, José Ramos Horta ba Prezidente Repúblika (PR) iha periódu 2022-2027.

“Ohin loron 26 fulan-fevereiru tinan 2022 Brigada Joventude Atsabe deklara, ba públiku katak, ami depozita tomak ami-nia konfiansa ho ami-nia votu ba kandidatura Prezidente Repúblika José Ramos Horta hodi asume hikas pasta Prezidente Repúblika ba periódu 2022-2027", dehan Portavoz Brigada Joventude Atsabe, Rogerio dos Santos iha Delta, sabadu (26/02).

Razaun apoiu Ramos Horta tanba hakarak halo depozisaun ba orden demokrátiku konstituisionál ne'ebé violadu, no hatu'u hikas kredibilidade nasaun no povu Timor-Leste nia iha mundu nia matan no dignu, ikus liu prezidente repúblika ida ne'ebé uza nia kompeténsia tuir de'it konstituisaun no la sai opozisaun ba Governu ne'ebé sei mosu.

“Ho razaun hirak ne'e, ami mós apela ba inan-aman joventude no estudante Atsabeoan tomak ne'ebé iha teritóriu Timor laran tomak no iha estranjeiru, atu iha loron 19 fulan-marsu 2022 fó ita-nia votu tomak ba kandidatura PrezidenteRepúblika, José Ramos Horta ho númeru soteiru 14 hodi sai Prezidente Repúblika ba 2022-2027”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter