“Tanba iha eleisaun prezidensiál ne'e katak orgaun singular ka unipessoal tanba ida ne'e mak ita kestiona kona-ba kandidatu seluk ne'ebé hatama fotografia iha buletin de votu ne'ebé hamosu kondisaun iha públiku ba povu eleitór sira bazeia ba ida ne'e mak ita hato'o rekursu ba Tribunál de rekursu hodi husu ninia interpretasaun kona-ba artigu 38 para ser iha públiku aban bairua iha tan públiku dúvida assuntu ida ne'e”, dehan Reprezentante Kandidatu Fernando Dias Gusmão, Sede Vitoria Kandidatu Lú Olo, Salaun Luz Clarita, Lesidere, kuarta (02/03).

Maibé petisaun ne'ebé mak antes ne'e hatama ba Tribunál Rekursu indefere no deklara katak sira laiha kompeténsia ba halo interpretasaun Artigo 38° da LEl N.° 15 /2021 de 14 de Julho sexta alteração a lei n. 7/2006, de 28 de dezembro lei eleitoral para o presidente da republica

“Tribunál Rekursu nian ne’ebé lasimu pedidu husi reprezentante kandidatu Prezidente da Republika Dr. Fancisco Guterres ‘Lú Olo’ nian. La'ós tamba laiha tundamentu iha argumentu sira, maibé tanba de’it Tribunál Rekursu deklara katak sira laiha kompeténsia ba halo Interpretasaun Artigo 38° da LEl N.° 15 /2021 de 14 de Julho sexta alteração a lei n. 7/2006, de 28 de dezembro lei eleitoral para o presidente da republica”, esplika nia.

Tribunál Rekursu deklara katak sira laiha kompeténsia atu julga kona-ba boletin voto. Kompeténsia ida ne’e monu ba Komisaun Nasionál ba Eleisaun sira (CNE) tuir númeru 2 artigo 38 Lei eleitorál ba Prezidente Repúblika nian.

Redasaun Tribunál Rekursu mak ‘Efetivamente, por força daquela lei, como acima visto, 0 Tribunal de Recurso apenas tem intervenção em dois momentos: em materia de admissão de candidaturas, em recurso apresentado de decisão do seu presidente, e no decurso das operações eleitorais, quanto a duvidas, reclamaçdes e protestos apresentados durante a votagão, não lhe sendo atribuida qualquer competência quanto à apreciação da comformidade do modelo de boletim, cuja aprovação compete exclusivamente à CNE, sob proposta do STAE’

Maibé reprezentante Kandidatu Lú Olo hakarak aprezenta, hafoin halo leitura ba desizaun Tribunál Rekursu nian, rekomenda katak ba futuru eleisaun Prezidente Repúblika, persiza hało alterasaun ba Lei eleitorál ba Prezidente Repúblika hodi introduz kompeténsia nian iha rekursus ruma ne’ebé aprezenta husi ekipa sussesu ka kandidatu ba eleisaun prezidensiál rasik ne’ebé la konkorda ho desizaun CNE nian kona-ba boletin votu. (*)