Viruskorona nu’udar família boot ida husi virus sira ne’ebé bele kauza moras iha animál ka ema. Iha ema sira, viruskorona balu koñesidu bele kauza infesaun respiratóriu husi isi— manas/ isin-malirin baibain to’o moras grave hanesan Middle East Respiratory Syndrome (MERS) – Síndroma Respiratóriu Médiu Oriente no Severe Acute Respiratory Syndrome (SARS) – Síndroma Respiratóriu Agudu. Foin lalais ne’e deskobre viruskorona ne’ebé kauza moras viruskorona COVID-19.

COVID-19 nu’udar moras infesiozu kauza husi viruskorona ne’ebé foin deskobre lalais ne’e. Ida-ne’e virus foun no moras ne’e seidauk hatene antes surtu ne’ebé mosu iha Wuhan, Xina, iha Dezembru 2019.

Síntoma komún husi COVID-19 maka isi-manas, kolen, no me’ar maran. Pasiente balun bele iha moras, inus metin, inus been, garganta moras no diarreia. Síntoma sira-ne’e baibain kamán no dezenvolve neineik. Ema balu hetan infesaun maibé laiha síntoma no la sente moras. Ema barak (maizumenus 80%) rekupera husi moras ne’e sein presiza tratamentu espesiál. Entre ema 1 husi ema na’in-6 ne’ebé maka hetan COVID-19 sai moras sériu no susar atu dada iis. Ema idade boot, no ema hirak ne’ebé iha ona problema médiku hanesan tensaun aas, problema ho fuan ka diabetes, sai nu’udar ema ne’ebé iha posibilidade boot atu hetan moras sériu. Ema ne’ebé iha isin-manas, me’ar no susar dada iis tenke hetan atensaun médiku.

Ema bele hetan COVID-19 husi ema seluk ne’ebé iha ona virus ne’e. Moras ne’e bele hada’et husi ema ida ba ema seluk liuhusi líkidu husi inus ka ibun ne’ebé da’et bainhira ema ho COVID-19 me’ar ka hasai iis. Líkidu hirak-ne’e monu ba objetu ka superfisie (objetu ruma nia leten) iha ema nia sorsorin. Hafoin ema seluk bele hetan COVID-19 bainhira kaer kona objetu ne’e, hafoin ka’er fali sira-nia matan, inus ka ibun. Ema mós bele hetan COVID-19 bainhira dada iis no apaña líkidu husi ema ne’ebé hetan ona COVID-19 ne’ebé me’ar ka hasai líkidu. Tanba ne’e maka importante atu iha distánsia liu metru 1 (3 feet) husi ema ida ne’ebé moras.

Estudu daudaun ne’e sujere katak virus ne’ebé kauza COVID-19 ne’e barak liu transmite liuhusi kontaktu ho líkidu respiratóriu nian duké husi anin. Haree resposta antes kona-ba “Oinsá maka COVID-19 ne’e hada’et”

Dalan prinsipál ba moras ne’e atu da’et mak liuhusi líkidu respiratóriu husi ema bainhira me’ar. Risku atu hetan COVID-19 husi ema ne’ebé laiha síntoma ne’e ki’ik liu. Maibé, ema barak ho COVID-19 esperiénsia ho síntoma kmaan. Partikularmente ida-ne’e klaru iha faze inisiu husi moras ne’e. Tanba ne’e maka iha posibilidade atu hetan COVID-19 husi ema ne’ebé, purezemplu, iha me’ar kmaan no la sente moras. OSM avalia peskiza ne’ebé hala’o hela kona-ba períodu transmisaun husi COVID-19 no sei kontinua fahe deskobrimentu atuál.

Risku atu hetan COVID-19 husi ema infetadu nia li’ur-fo’er katak ki’ik liu. Enkuantu investigasaun inisiál sujere katak iha kazu balu virus ne’e bele mosu iha ema nia li’ur-fo’er, da’et tuir maneira ne’e la sai hanesan karatér husi surtu ne’e. OSM avalia hela perskiza ne’ebé daudaun ne’e hala’o hela kona-ba oinsá maka COVID-19 ne’e hada’et no kontinua atu fahe deskobrimentu atuál. Tanba ida-ne’e risku ida, maske nune’e ida-ne’e nu’udar razaun seluk ida atu fase liman beibeik, hafoin ba sintina ka molok han.

Lae. Antibiótiku la funsiona hodi kontra virus sira, só bele funsiona ba infesaun baktéria. COVID-19 kauza husi virus ida, entaun antibiótiku la funsiona. Antibiótiku sei labele uza hanesan dalan ba prevensaun ka tratamentu ba COVID-19. Só bele uza de’it bainhira iha instrusaun husi médiku atu halo tratamentu ba infesaun baktéria.

Enkuantu medisina moderna, tradisionál ka ai-moruk uma nian bele fó-ksolok no alevia síntoma husi COVID-19, laiha evidénsia katak ai-moruk ne’ebé iha daudaun ne’e bele prevene ka kura moras ne’e. OSM la rekomenda medikamentu ba an rasik ho kualkér ai- moruk, inklui antibiótiku, nu’udar prevensaun ka kura ba COVID-19. Maske nune’e, iha esprimenta klinikál balu ne’ebé hala’o daudaun inklui ai-moruk moderna no tradisionál. OSM sei kontinua fornese informasaun atuál bainhira iha ona dekobrimentu klinikál.

Seidauk iha. To’o ohin loron, seidauk iha vasina no ai-moruk antivirál atu prevene ka trata COVID-19. Maske nune’e, sira ne’ebé afetadu tenke simu antensaun hodi alevia síntoma. Ema ne’ebé ho moras todan tenke baixa. Pasiente barak maka rekupera, agradese ba atensaun suportivu.

Lae. Virus ne’ebé kauza COVID-19 no ida-ne’ebé kauza surtu Síndroma respiratóriu Agudu (SARS) iha 2003 iha relasaun ba ida-idak nia jenétiku, maibé moras ne’ebé maka sira hamosu lahanesan uitoan.

SARS perigu liu maibé nia infesaun menus duké COVID-19. Laiha surtu kona-ba SARS iha fatin seluk iha mundu desde tinan 2003.

Só uza maskra karik ita hetan moras ho síntoma COVID-19 (liuliu me’ar) ka halo hela tratamentu ba ema ne’ebé bele iha COVID-19. Maskra ne’ebé uza dala ida/ disposal bele uza dala ida de’it. Se ita la moras ka la tau-matan hela ba ema ne’ebé moras entaun ita gasta de’it maskra. Maskra sai menus iha mundu tomak, entaun OSM apela ba ema atu uza maskra ho di’ak.

OSM fó konsellu ba uzu rasionál maskra médiku atu evita gastus la nesesáriu ba rekursu presiozu ne’e no maluzu husi maskra (haree konsellu kona-ba uzu maskra).

Maneira efetivu liu atu projete ita-nia an no ema seluk hasoru COVID-19 maka fase-liman beibeik, taka ho liman-sikun ka tixu bainhira me’ar no mantein distánsia pelumenus metru 1 (3 feet) husi ema ne’ebé me’ar ka fani. Atu hetan informasaun liután bele haree Medida báziku ba prevensaun hasoru viruskorona foun.

11. Fó-hanoin katak, maskra ida só uza de’it ba pesoál saúde sira, ema ne’ebé kuida saúde, no ema ne’ebé iha síntoma repsiratóriu, hanesan isin-manas no me’ar.

12. Molok kaer maskra ne’e, fase-liman ho líkidu alkóliku liman nian ka sabaun ho bee

13. Foti maskra ne’e no haree didi’ak karik nakles ka iha koak ruma.

14. Hatene parte ida ne’ebé maka parte leten nian (parte ne’ebé iha arame).

15. Asegura katak parte ne’ebé maka parte li’ur nian (parte ne’ebé iha kór).

16. Taka maskra ba ita-nia oin. Buti parte ne’ebé iha arame ka parte ne’ebé ninia ninin toos oituan atu nune’e bele ajusta ba ita-nia inus.

     

17. Dada tun maskra nia parte kraik atu nune’e bele taka ita-nia ibun no ita-nia keixu.

     

18. Depoizde uza, hasai tiha maskra ne’e; hasai nia tali elástiku ne’ebé ka’it ba tilun enkuantu hadook maskra ne’e husi ita-nia oin no roupa, atu bele evita kona parte maskra ka superfisie ne’ebé kontaminadu.

     

19. Soe kedas maskra ne’e ba iha lixu fatin hafoin uza.

     

20. Fase-liman hafoin kaer ka soe maskra ne’e – uza líkidu alkóliku liman nian ka, karik

    liman foer, fase ita-nia liman ho sabaun no bee.

     

“Períodu inkubasaun” signifika katak tempu entre hetan virus ne’e no hahú iha síntoma moras. Estimasaun ba períodu inkubasaun ba COVID-19 purvolta husi loron 1-14, barak liu durante loron 5. Estimasaun hirak-ne’e sei atualiza bainhira hetan dadus sira disponivel.

Viruskorona nu’udar família boot ida husi virus sira-ne’ebé komún iha animál sira. Dalaruma, ema hetan infesaun husi virus sira-ne’e bele da’et fali ba ema seluk. Nu’udar ezemplu, SARS- CoV asosiadu ho busa-fuik no MERS-CoV hetan transmisaun husi kuda-kamelu. Posibilidade fonte animál husi COVID-19 seidauk konfirmadu.

Atu proteje ita-nia an, hanesan bainhira vizita ba merkadu animál moris, evita kontaktu direta ho animál hirak-ne’e no fatin hirak-ne’ebé iha kontak ho animál. Asegura atu prátika seguransa ba aihan di’ak iha tempu tomak. Kaer na’an matak, susubeen ka animál nia orgaun ho kuidadu atu evita kontaminasaun husi hahán matak no evita konsume produtu animál ne’ebé matak ka ladún tasak.

Enkuantu iha ona ezemplu katak asu ida infetadu iha Hong Kong, to’o loron ne’e, seidauk iha evidénsia katak asu, busa ka animál haki’ak sira bele transmite COVID-19. COVID-19 ne’e liuliu da’et liuhusi líkidu ne’ebé sai bainhira ema infetadu me’ar, fani, ka ko’alia. Atu proteje ita-nia an, fase-liman beibeik no ho loloos.

OSM kontinua monitoriza perkiza atuál kona-ba ida-ne’e no tópiku COVID-19 sira seluk no sei atualiza deskobrimentu foun ne’ebé disponivel.

Laiha serteza kona-ba durasaun tempu ba virus ne’ebé kauza COVID-19 moris iha fatin (objetu oin ruma), maibé nia hanesan viruskorona sira seluk. Estudu sujere katak viruskorona (inklui informasaun prelimináriu kona-ba virus COVID-19) bele dura iha fatin (objetu oin ruma) durante oras balun ka bele to’o loron balun. Ida-ne’e bele tuir kondisaun diferensa (ez. Tipu fatin (objetu oin ruma), temperatura ka umidade ambiente nian). 

Loos. Probabilidade husi ema ne’ebé infetadu kontamina ho sasán komersiál ne’e ki’ik no risku atu hetan virus ne’ebé kauza COVID-19 husi pakote ne’ebé muda, lori, no vizivel ba kondisaun diferente no temperature mós ki’ik.

Medida sira tuirmai ne’e nu’udar medida LA efetivu hasoru COVID-19 no bele iha estragus boot:

• Fuma

• Uza maskra dúplu

• Uza antibiótiku (Haree pergunta 10 “karik iha ai-moruk ka terapía ne’ebé bele

  prevene ka kura COVID-19?”)

Iha kazu ruma, se ita iha isin-manas, me’ar no susar dada iis ba konsulta kedas atu redús risku infesaun grave mosu no konta ita-nia istória viajen resente ba ita-nia pesoál saúde.