"Vizita ne'e ho objetivu atu haree direta progresu servisu ba projetu refere. Projetu ne’e atinje ona ho persentajen (27%) bazeia ba fíziku ne’ebé instala ona inklui material hirak hanesan: Besi WF ne’ebé tuir planu atu uza ba ai-riin no beam (sinta) no uza mós ba Rangka Atap kompletu ona iha fatin projetu, ho nune’e projetu ne’e atinze ona ba persentajen (50%) resin", haktuir komunikadu imprensa ne'ebe fo sai husi pájina MAPKOMS, loron kuarta (28/12).
Antes ne'e, Ministru Jerónimo, akompaña husi Prezidente Konsellu Administrasaun RTTL, E.P, José António Belo, rasik asina akordu ho Empreza Banin Lemar Unipesoal, Lda, nu’udar manan nain ba projetu konstrusaun estúdiu provizóriu ba mídia RTTL,Ep.
Projetu konstrusaun foun ne'e hala'o nafatin iha edifísiu RTTL,EP tuan, maibé muda ba kotuk atu halo estúdiu provizóriu foun no montante ba konstrusaun temporária edifísiu refere ho valor hamutuk US$1.196.095,54 bazeia ba planu no politika MAPKOMS nian ne'ebé prevé ona iha Orsamentu Jerál Estadu (OJE) 2022 iha fundu infraestrutura servisu no planu ba hari'i edifísiu permanente sei realiza iha tinan oin.
Purtantu, iha loron 29 fulan dezembru tinan 2022, Ekipa Tekniku husi Ministériu Asuntu Parlamentár no Komunikasaun Sosial akompaña Kompaña Archtimor Engineering Consultant/AEC, Timor-Leste in association with Aderroma Engineering Consultant/ARECO, Timor-Leste as A sub-consultant, hala'o ona vizita kortezia ba fatin Estudu Viabilidade RTTL.EP no ajensia TATOLI iha Ai-mutin-Dili.
"Fatin Projetu Estadu Viabilidade Rttl no Tatoli iha Aimutun, Manan na'in ba projetu refere mak Archtimor Engineering Consultant/AEC, Timor-Leste in association with Aderroma Engineering Consultant/ARECO, Timor-Leste as A sub-consultant", tuir Komunikadu Imprensa husi MAPKOMS. (*)