Tempotimor (Baukau)-Ministru Edukasaun Juventude no Desportu (MEJD), Armindo Maia, informa, sei konstrui tán sala ba estudante nian hamutuk 700 iha mandatu ikus.

Tempotimor (Baukau)-Primeiru Ministru (PM), Taur Matan Ruak, ofisialmente inaugura ona Programa Konstrusaun no Reabilitasaun Infrastrutura Edukativu (PKRIE) tinan 2021-2022 anivél nasionál nian, iha eskola ensiñu bázika filial (EBF) Maukale, Suku Gariwai, Postu Administrasaun Baukau Vila, Munisípiu Baukau.

Enkuantu PKRIE ba tinan 2021-2022, Governu liuhusi Ministéru Edukasaun Juventude no Desposrtu (MEJD), implementa iha Munisípiu 12 inklui Oe-cusse hamutuk 228, ne'ebé halo reabilitasaun no konstrusaun foun husi nivél ensiñu pre-eskolar to'o Sekundária no Tékniku Vokasionál, ho orsamentu husi kategoria tranférensia públiku Orsamentu Jerál Estadu (OJE) 2021 hamutuk millões 29.

Projeitu konstrusaun no reabilitasaun ba eskola 228, hahú lansamentu fatuk dahuluk iha fulan-fevreiru tinan 2022, no to'o fulan-dezembru tinan 2022, MEJD konsege rejista konstrusaun ne'ebé finaliza ona hamutuk 94 iha nivél nasionál, ne'ebé kompostu husi reabilita eskola 5 no konstrusaun foun 89.

Tanba ne'e, iha loron 27 fulan-janeiru tinan 2023, oitavu Governu Konstituisionál liuhusi PM Taur Matan Ruak, akompaña husi MEDJ, Armindo Maia no Ministru Asuntu Parlamentares Komunikasaun Sosial (MAPKOMS), Francisco Martins da Costa Pereira Jerónimo ofisialmente inaugura ona anivél nasionál iha eskola ensiñu bázika filial (EBF) Maukale, Suku Gariwai, Postu Administrasaun Baukau Vila, Munisípiu Baukau.

"Edukasaun ne'e importante iha ita nia rai, tanba ne'e dezenvolve infraestrutura no sistema edukasaun ita nian tenke fó atensaun maka'as porque ita eleva kualidade edukasaun iha ita nia rai," dehan PM iha EBF Maukale-Gariuia-Baukau, Sesta (27/01).

Projeitu refere Oitavu Governu Konstituisionál liuhusi MEJD, tau prioridade planu programa sira ne'ebé refleta meta jerál husi planu Estratéjiku Dezenvolvimentu Nasionál 2011-2030 ho esperansa atu sidadaun Timoroan sira bele sai inovativu no produtivu asesu ba edukadaun kualidade.

Tanba investe iha edukasaun ne'ebé ho kualidade mak sei lori Timor-Leste (TL) hetan kresimentu ekonómiku sustentável no sai nasaun ho rendimentu médiu-altu. Tanba ne'e MEJD esforsu hodi hadi'a kualidade edukasaun iha TL hodi responde povu nia mehi.

Planu ne'e bazeia ba asaun anual tinan 2021 no 2022 Governu liuhusi MEJD kontinua hala'o programa no koperasaun ho parseria dezenvolvimentu hodi ezekuta planu konstrusaun uma eskola hodi kompleta sala ba aula nian no material didátika profesór sira no parte relevante seluk ne'ebé presiza sei hadi'a tán.

"Ba tinan ida ne'e orsamentu 30-ital millões ita bele halo 250 to'o 270 ne'e signifika ita atinji 500 eskola iha teritóriu laran tomak", PM afirma

Totál projeitu konstrusaun eskola foun no reabilitasaun ba eskola iha tinan 2021-2022 ba teritóriu laran hamutuk 228, enkuantu konstrusaun eskola foun hamutuk 218, ne'ebé kompostu husi totál sala ba aula 754, sala profesór 93 inklui hariis fatin 81, no reabilita ba eskola 10 ne'ebé kompostu husi sala ba aula 57, sala profesór 5 inklui hariis fatin 3 iha teritóriu nasionál.

Enkuantu totál projeitu komunitária ne'ebé MEJD implementa iha kada Munisípiu, ba Munisípiu Aileu hamutuk 14 konsege finaliza ona 7, Ainaro 16 finaliza ona 6, Baukau 29 finaliza ona 17, Bobonaro 21 finaliza ona 11, Kovalima 16 finaliza ona 8, Dili 16 finaliza ona 7, Ermera 19 finaliza ona 5, Lautém 16 finaliza ona 5, Likisa 13 finaliza ona 4, Manatutu 10 finaliza ona 3, Manufahi 15 finaliza ona 6, inklui Vikeke 18 finaliza ona 7.

Entretantu projeitu 29 ne'ebé implementa iha Baukau, Governu liuhusi MEJD iha tinan 2021, preve orsamentu kategoria tranférensia públiku husi Orsamentu Jerál Estadu (OJE) 2021 totál millaun US$302.014-resin, ne'ebé implementa iha  fulan-fevreiru tinan-2022. (*)

Tempotimor (Dili)-Oitavu governun konstitusionál liu husi Primeiru Ministru, Taur Matan Ruakn lansa ona fatuk dahuluk ba konstrusaun Hospital Nasioanal Guidu Valadares (HNGV).

Tempotimor (Dili)-Ahi han Uma Naroman ba Povu (UNP) unidade ida husi faze dahuluk nian, iha Aldeia Nu’u Badak, Suku Batugade, Postu Administrativu Balibo, Munisípiu Bobonaru.

Tempotimor (Díli)-Tuir rezultadu peskiza husi Assosiasaun Tane Konsumidor katak, governu hasa’e taxa ba importasaun masin-midar fo impaktu boot ba industrua ki’ik sira.

Tempotimor (Díli)-Ministru Justisa Tiago Dos Santos Amaral hatete, kazu omesídu ne’ebé akontese iha área Elemloi, sei prosesa suspeitu iha tempu badak atu hetan justisa loloos.

Tempotimor (Dili)-Prezidente Repúblika (PR), José Ramos Horta promulga ona dekretu lei kona-ba ezekusaun Orsamentu Jerál Estadu (OJE) tinan 2023.

Tempotimor (Baukau)-Pesoal saúde husi Asosiasaun Médiku Timor-Leste (AMTL), serbisu hamutuk ho mediku FALINTIL-Forsa Defeza Timor-Leste (F-FDTL) husi Komponente Terestre, inklúi  Salejianu Dom Bosco Baukau hahú fó tratamentu ba komunidade sira iha Munisípiu Baukau.

Tempotimor (Díli)-Eis Xefe Estadu Maior Jeneral FALINTIL-Forsa Defeza Timor-Leste (F-FDTL), Tenenti Jeneral Reformadu Lere Anan Timur husu ba Tribunal atu labele kahur kazu entre Longuinhos Monteiro subar kilat ho Polísia Siéntifiku Investigasaun Kriminál (PCIC-sigla portugés) nia asaun aprensaun buska domisiliáriu ne’ebé konsidera illegal.

Tempotimor (Dili)-Primeiru Ministru (PM), Taur Matan Ruak hatete, Governu prontu organiza eleisaun parlamentár iha tinan 2023 tuir desizaun ne’ebé Prezidente Repúblika (PR), José Ramos Horta sei foti.