Membru sira ne’e aprezenta husi Bankada Parlamentar CNRT ho FRETILIN ne’ebé asina husi Prezidente Bankada FRETILIN, Aniceto Longuinhos Guterres Lopes no Vise-Prezidente Bankada CNRT, Lusia Taeki, ne’ebé hili liu husi votasaun sekretu ho 60 a favor, 0 kontra no 4 branco.
Iha sesaun plenária ne’e mós hatún ona ba Komisaun Finansas Publika ho komisaun sira seluk kona-ba Proposta Lei nú 1/VI(1ª) – alterasaun dahuluk ba lei nú 15/2022, loron 21 fulan-dezembru, Orsamentu Jerál Estadu tinan 2023 nian no Lei nú 2/2022 loron 10 fulan-fevereiru, Enkuadramentu Orsamentu Jerál Estadu no Jestaun Finanseira Públika no alterasaun daruak Lei nú 8/2008 loron 30 fulan-juñu, Lei Tributaria. No aprova mós deliberasaun kona-ba prosesamentu urjénsia ba Proposta Lei nú 1/VI(1ª) ho 42 votu a favor, 1 kontra no 21 abstensaun.
Entretantu iha intervensaun diversa nian Deputadu sira aprezenta kona-ba polítika desentralizasaun administrativa, dezempregu iha rai laran, transferénsia pasiente ba rai li’ur, estasaun kombustivel iha kapitál Dili, konflitu iha rai laran inklui asuntu importante sira seluk.
Sesaun plenária ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan prezensa husi Vise-Ministru Asuntu Parlamentar, Adérito Hugo da Costa. (*)
