Dekretu-lei ne’e aprova iha reiniaun Konsellu Ministrus nian, kuarta (16/08/2023), aprezenta husi Primeiru-Ministru, Kay Rala Xanana Gusmão, ba alterasaun daruak kona-ba Dekretu-Lei nu. 6/2018, loron 14 fulan-marsu, hodi fiksa Valór Subvensaun ne’ebé fó husi Estadu ba Kandidatus Prezidénsia Repúblika ba Kampaña Eleitorál.
Tanba altersaun ne’e, ho objetivu atu permite hodi fó kompensasaun ba kandidatus Prezidénsia Repúblika iha situasaun sira ne’ebé maka presiza hodi realiza votasaun ba daruak nian, iha ámbitu eleisoins prezidénsia ne’ebé hanesan, no determina katak valór subvensaun ne’ebé atu selu ba kada kandidatu ba realizasaun votasaun daruak nian, sei selu ba kandidatu sira ida-idak ne’ebé partisipa iha votasaun daruak sei selu iha totalidade husi votu ne’ebé sira hetan ona iha votasaun daruak. (*)
