"Se nia rai kilat ka arma de fogu ne'e krime, Tribunal labele dehan prosesu buska aprensaun ne'e mak illegal, tanba ida ne'e ketak, no ida rai kilat ne'e ketak, la bele kahur buat rua ne'e hamutuk, rai kilat ne'e krime tenke kompri lei, justisa no Tribunal mak tenke fó sala nia prosesu la'o hela", dehan Lere hafoin sorumutu ho Preidente Repúblika, José Ramos Horta, iha palasiu prezidensiál, bairo-pite, tersa (24/01).
Tuir Lere, Longuinos Monteiro parese seidauk hatene asaun rai subar kilat ne’e krimi, tanba ne’e nia hakarak subar kilat iha uma.
"Ha'u husi ai-laran mai dezarmadu, ha'u dehan LM ó atu ba tiru malu ho sé, ema ne'e gosta tara buat oioin ida ne'e, ema ne’e lei na’in, maibé nia lahatene katak, ha'u rai ida ne'e keta krime karik", dehan Lere.
Maske nune’e, Lere konsidera Longuinos Monteiro laiha hanoin aat atu estraga nasaun Timor-Leste.
"Ita agora ne'e fó sala, mais ita la'ós tribunál, ha'u nia alin LM agora uza kódigu de'it nia subar kilat ka Arma fogu, maibé ha'u-nia alin LM la hanoin aat ba rai ida ne'e", dehan Lere. (*)