Tempotimor (Ermera)-Kandidatu Prezidente Repúblika (PR) períodu 2022-2027, José Ramos Horta, iha kampaña eleitrorál iha Railaku Vila, Ermera, nia parte sei prioritiza setór Agrikultor, Edukasaun no Saúde ne’ebé sai hanesan kompeténsia Governu.

Tempotimor (Aileu)-Segundu (II) Vise Prezidente Partidu Libertasaun Popular (PLP), Demetrio Amaral hatete, kultura PLP ne’ebé dehan hán isin sikat ruin, mak tenke fó apoiu ba Kandidatu Prezidente Repúblika (PR), Francisco Guterres ‘Lú Olo’, iha eleisaun loron 19 fulan-marsu 2022.

Tempotimor (Dili)-Fundasaun Mahon ezije Partidu Polítiku (ParPol) sira atu labele utiliza de’it joven sira hanesan instrumentu polítiku iha tempu Kampaña hodi atinje objetivu.

Tempotimor (Bobonaro)-Koordenadór Partidu Congresso Nacionál de Reconstrução de Timor (CNRT) Munisípiu Bobonaro, Marcos Xavier hatete, dadauk militante no apoiante husi Suku Atas no Suku Atabae la konsege partisipa kampaña Kandidatu Prezidente Repúblika, José Ramos Horta iha Postu Administrativu Atabae, Munisípiu Bobonaro tanba difikulta husi kondisaun estrada ne'ebé kotu.

Tempotimor (Dili)-Kandidatura Prezidente Repúblika (PR) períodu 2022-2027 husi Partidu Frente Revolusionáriu Timor-Leste no Independente (FRETILIN), Francisco Guterres ‘Lú Olo’, promote sei kaer metin unidde nasionál no sei la halo deskriminasaun ba povu bainhira hetan konfiansa ba Prezidente Repúblika.

Tempotimor (Dili)-Diretór Interino Fundasaun Mahein (FM), Sancho Xavier, konsidera Paz no Estabilidade ne’ebé iha kandidatu Prezidenten Repúblika (PR) ko’alia durante ne’e sira-nia ibun tutun de’it, tanba iha tempu kampaña kontinua insulta malu.

Tempotimor (Dili)-Portavoz Ekipa Susesu, Alberto Carvalho Araujo hatete, Komisaun Polítika Nasioná (KPN) Partidu Unidade Dezenvolvimentu Demokratiku (PUDD) deside avansa ho Kandidatu Prezidnete Repúblika (PR), Martinho Gusmão ba Prezidente Repúblika atubele halo mudansa lori moris di'ak ba povu.

“Tanba ne'e Partidu PUDD fihir, hili no tetu, hodi hili Dr. Martinho Gusmão, ne’ebé uluk serví iha uma kreda, sarani sira no ba povu Timor, tanba ne’e ohin Partidu PUDD hakarak fihir Dr. Martinho Gusmão atu sai Prezidente Repúblika ba períodu tinan lima tuirmai”, afirma nia iha komísiu kampaña loron datoluk ba kandidatu PR Martinho Gusmão iha iha Postu Adminitsrativu Railaku, Munisípiu Ermera, segunda (07/03).

Pozizaun PUDD foti desizaun hodi konfiansa ba Martinho Gusmão tanba haree katak tinan 20 ukun-an, dezenvolvimentu la’o hakdasak, sobu malu, la rona malu, hatun malu, hasa’e malu, hodi difikulta povu mak terus nafatin.

Tanba ne'e, lakohi povu atu terus tan, di'ak liu hothotu hamutuk hodi lori mudansa ba futuru liuhusi kandidatu Martinho Gusmão.

Maske iha ema balun hatete, Maromak de’it nia bosok satán ema, maibé atu hatete de'it katak, ‘Amu bispu ho amu papa’, ne’ebé mak fó autorizasaun la dehan Martinho Gusmão bosok Maromak.

PUDD haree katak azitasaun lahan, azitasaun fraku, polítika fraku, no husu Ermeraoan sira hotu, atu dehan ba povu Timor, dalan loos, dalan di’ak mak kandidatu inkluzaun ida ne’ebé Partidu PUDD aprezenta ba povu Timor atu hili no atu lori ba Prezidenti Repúblika.

Kandidatu Martinho Gusmão, nia ema ida ne’ebé iha kapasidade, iha maturidade, sei la halis ba partidu ida, sei la halis ba ema ida, sei kumpri lei, kumpri justisa, kumpri mandatu ne’ebé mak povu fó fiar ba nia atu lori povu no rai ida ne’e ba moris di’ak.

Husu ba apoiante sira atu haree didi’ak prinsípiu politika sira no labele nakdoko, labele rona rumoris ki’ikoan sira.

Mesmu iha ema ida no rua lori bandeira PUDD ba buka buat rahun hodi deklara PUDD la solidu, maibé lalika hakfodak, tanba Estrutura Nasionál Partidu PUDD sólidu, firme nafatin lori Martinho Gusmão ba Prezidenti Repúblika, no firme nafatin atu lori PUDD hetan Vitória ba 2023.

“Ha’u repete tan Labele tauk, labele rona rumoris, ita koñese malu, ita hatene malu. Ita hamriik tanba ita iha mehi, kuaze tinan 20 ita la hetan ita-nia mehi hanesan mehi ne’ebé mak ita hakarak iha ukun-an ida ne’e”, dehan nia.

Nu’udar Portavoz Ekipa Susesu Kandidatu Martinho Gusmão disponivel atu diskute ho sé de’it, kona-ba konseitu dezenvolvimentu ba rai ida ne’e. Konseitu oinsá atu hetan prezidente ho kualidade di’ak atu lori Timor ba oin no la’ós moris iha impase nia laran, la’ós moris iha Estadu Emerjénsia, la’ós moris iha lockdown, tanba ida ne'e ukun ho atrazadu, ukun ho atrapalla.

“Ita hakdasak nafatin, no to’o agora ita sei hamlaha, terus nafatin, iha ukun-an tinan 20 nia laran. Tuir loos ita muda tia ona, ita di’ak tiha ona, maibé to’o agora ita seidauk di’ak tanba ita-nia líder sira hatene mak halo impase, hatene mak soke malu, hatene mak la rona malu, mais uluk iha rezisténsia ita rona malu, unidade, maibé kontariu fali iha ohin loron ita haree malu ladi’ak, la rona malu”, deklata nia. (*)

Tempotimor (Dili)-Prezidente Partidu Os Verdes de Timor, António Lela Huno Cruz, husu ba Laureadu Nobel da Paz, José Ramos Horta no Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, deskansa no vota ba Prezidente Partidu FRETILIN, Francisco Guterres ‘Lú Olo’, iha eleisaun Prezidente Repúblika (PR) períodu 2022-2027.

Tempotimor (Dili)-Prezidente Komisaun Nasionál ba Eleisaun sira (CNE), José Agostinho da Costa Belo, aviza kandidatu Prezidente Repúblika na’in-16 atu kumpri regra hodi ignora liafuan provika malu iha kampaña eleitorál.

Tempotimor (Dili)-Kandidatu Prezidente Repúblika (PR) períodu 2022-2027 husi Partidu Demokrátiku Repúblika Timor (PDRT), Anacleto Bento Ferreira sei haka’as Governu atu tau importánsia ba traballadór sira-nia diretu kona-ba asesu dezenvolvimentu rai laran, bainhira hetan konfiansa husi povu iha loron 19 marsu 2022.