“Prezidente Repúblila sei kaer metin nafatin unidade povu Timor-Leste ninian. Prezidente Repúblika, ha'u sei la halo diskriminasun ba timoroan hothotu”, dehan nia iha Kampaña Eleitorál iha Postu Administrativu Lospalos, Munisípiu Lautein, kinta (10/03).
Tanba kna’ar Prezidente Repúblika makaoinsá kaer metin, tula liman, no hakuak timoroan hothotu, no promete la halo deskriminasaun liuhusi ninia relijiaun ka destradu sosiál, liliu situasuan ekonomika.
Meiu ne'ebé atu evita diskriminasaun, mak Prezidente Repúblika sei hatete ba ema hothotu, bainhira atu ko’alia karik kona-ba interese nasaun no povu ninian, no trata interese povu nia la'os asuntu privadu, ka tama ba ema nia privadu, atu ba insulta fali maluk sira selu-seluk, ka hasai liafuan ne'ebé la merese tanba, demokrásia la hanorin hanesan ne'e.
“Ne'e para atu dignifika no fó dignidade ba povu no rai ida ne'e, hatudu ba mundu katak ita ema duni, ita povu ida ne'ebé sai husi funu naruk ida, para ita iha duni dignidade atu ukun rasik ita-nia rai, so hanesan ne'e mak ita bele kontribui, ita bele fó ita ideia atu rezolve problema sira”, afirma nia. (*)