Diretór Jerál SEII, Armando da costa hatete, semináriu ne’ebé realiza ho selebrasaun loron internasional feto no atubele motiva inan feto sira, nune’e mós bele assegura liután feto sira iha nível baze no oinsá mak sira bele foti desizaun.
Tanba ne’e, iha Nova Iorke Feto hala'o sira-nia movimentu hodi ezije sira-nia direitu iha buat tolu mak direitu oras servisu hanesan, direitu ba servisu no oras servisu hanesan no ikus liu direitu ba vota.
“Governu iha nia politika kona-ba assuntu abordajen ne'ebé integradu ba jeneru iha setór hotu no iha mós politika programa no orsamentu agora atu asegura katak, assuntu ne’ebé mak ita intrega iha ninia konsiderasaun ba implementasaun sira, nune’e sirkulu ne’e kontinua ba iha implementasaun ou ezekusaun inklui monitorizasaun rasik to’o ikus relata fali relatóriu sira katak, buat ne’ebé ita halo tenke ezekuta duni”, dehan Diretór Armando da Costa iha Salaun City 8 Manleuana, kinta (10/03).
Nune’e iha orsamentu sensivel ba jeneru ne’ebé iha nia kontestu orsamentu Estadu atu assegura orsamentu ida ne’e nia benefisia duni ba ema hotu husi grupu feto no mane, ema ho difisiénsia no ema ho situasaun oioin.
Hanesan iha Timor-Leste sosiedade sira ho situasaun la hanesan, maibé iha direitu atu hetan benefisiu husi orsamentu ne’e hotu, direita no indeireita. (*)
