Login to your account

Username *
Password *
Remember Me

SEII Hamutuk Sosiedade Sivíl Sei Kapasita Feto Partisipa iha Eleisaun

Sekretária Estadu Igualidade no Inkluzaun (SEII), Maria do Rosario Fatima Coreia. Sekretária Estadu Igualidade no Inkluzaun (SEII), Maria do Rosario Fatima Coreia. Foto Suplay

Tempotimor (Dili)-Sekretária Estadu Igualidade no Inkluzaun (SEII), Maria do Rosario Fatima Coreia hatete, sei serbisu hamutuk ho sosiedade sivíl hodi ajuda SEII hodi fasilita formasaun hodi kapasita feto sira nune'e bele partisipa iha Eleisaun Parlamentár no Suku nian ne'ebé sei akontese iha 2023.

“Entaun ami mós sei fó orsamentu oitoan ba sosiedade sivíl sira atu ajuda SEII rasik atu fó formasaun ba feto sira preparasaun ba atubele partisipa iha Eleisaun. Transferénsia ba sosiedade sivíl ida ne'e montante ida ne'ebé mak ki'ik, hanesan transferénsia Públiku ami SEII mós hetan despaisu husi Primeiru Ministru tanba proposta balu sira haruka direitamente ba Primeiru Ministru”, dehan nia hafoin hasoru malu ho Primeiru Ministru Taur iha Rezidénsia Farol, tersa (23/08).

Tanba ne’e, Primeiru Ministru hatun fali despaisu ba SEII karik iha orsamentu bele mós fó apoiu ba sosiedade sivíl sira, tanba ne'e seidauk fixa númeru montante, maibé SEII sei konfirma fali ho SAACAS tanba sira mós fó apoia hotu osan ba sosiedade sivíl entaun sei koopera hamutuk atu haree.

Maibé la'ós tenke manán mak sira tu'ir, maibé oinsá atubele motiva sira oinsá bele partisipa iha Eleisaun Xefe Suku sira períodu mai feto nia partisipasaun importante hotu.

Públiku hotu hatene katak iha tinan oin mai Timor iha Eleisaun Rua, tuir loloos iha Eleisaun tolu, Parlamentar konta 30% ba Ema feto ne'e la dúvida atu halo advokasia, tanba SEII nia papel mak advokasia. Eleisaun Munisipál maibé la konsege karik muda ba tinan oin mai, terseiru mak iha Eleisaun Xefe Suku, entaun presiza kapasita feto sira atu partisipa.

Enkuantu iha suku hamutuk 452, maibé iha tinan hitu nia laran, iha de'it 5% feto sai Xefe Suku no 4% mak sai xefe Aldeia, tanba ne'e SEII nia papel iha obsetivu haat oinsá fó kapasitasaun ba feto sira foti desizaun iha nível sira hotu.

Husi objetivu haat ne'ebé mak Dekretu-lei númeru 17/2019 loron 11 fulan-jullu ne'ebé fó kompeténsia haat dahuluk mak halo advokasia abordajen Integradu jeneru mak Públiku hatene katak Ministériu Finansas konsidera SEII nia papel halo advokasia integra ona markadór jeneru iha sistema Finansas dalan ba futuru.

Iha objetivu daruak mak oinsá atu redus violénsia ne'ebé mak nafatin akontese ba feto no labarik feto nomós maluk portador difisiénsia no mós komunidade sira. Datoluk mak oinsá empodera feto iha Vida. Ekonomika, dahaat mak oinsá Fasilita no hakbi’it feot hodi foti desizaun iha nível Munisípal nomós suku ida mak SEII nia objetivu prinsipál.

Aleinde ida-ne'e SEII mós iha ninia programa ida mak apoia finanseiru oituan ba feto sira iha área Negósiu ba grupu hamutuk 351 iha Munisípiu 12 inklui iha RAEOA.

“Ami mós iha orsamentu ba feto maluk sira hanesan atu halo sira-nia negósiu, osan ne'ebé mak mai husi transferénsia Públiku ho ninia rotativa ba grupu Benefisiu, ami iha grupu 351 Benefisiu iha 12 Munisípiu inklui RAEOA”, hatete nia.

Enkuantu, iha grupu Benefisiu ne'e balu mós hetan ona rotativu, balu hetan ona susesu hanesan iha Munisípiu balu ke sira rotativa fali ba grupu seluk, kada grupu sei hetan $200 mill.

Entretantu, Primeiru Ministru, Taur Matan Ruak fó parabéns ba Sekretáriu Estadu Igualidade no Inkluzaun ho ekipa nia esforsu tomak hodi ezekuta ona SEII nia orsamentu purvolta 54%.

“Primeiru Ministru fó parabéns ba ami ekipa tomak ba esforsu tanba ami mós, ekezekuta ona ami-nia orsamentu 54%’, afirma nia.

Husi pursentu ida-ne'e ekivalente kuaze $1 milhões, husi totál orsamentu alokasu ba SEII $2.115 milhões ital husi Orsamentu Jerál Estadu 2022 nian ne'ebé aprova iha Parlamentu Nasinonál no promulga husi Prezidente Repúblika. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter