Login to your account

Username *
Password *
Remember Me

Fundasaun Mahon: ParPol Labele Aproveita Joven iha Kampaña

Diretór Fundasaun Mahon, Angelo F. Ximenes. Diretór Fundasaun Mahon, Angelo F. Ximenes. Foto Tempo Timor

Tempotimor (Dili)-Fundasaun Mahon ezije Partidu Polítiku (ParPol) sira atu labele utiliza de’it joven sira hanesan instrumentu polítiku iha tempu Kampaña hodi atinje objetivu.

“Partidu politiku sira labele uja de’it joven sira iha tempu kampaña hodi atinje sira-nia objetivu atu ukun no hetan de’it benefisiu, depois atinje tiha wainhira sira ukun haluha tiha joven sira tanba esperiénsia tinan 20-resin ona maioria joven Timor-Leste haksoit hotu ba rai liur buka servisu tanba servisu iha rai laran laiha tantu atu kahur de’it masa (buruh kasar) mós laiha”, deklara Diretór Fundasaun Mahon, Angelo F. Ximenes, iha nia kna’ar fatin Ex-heliport Bairupite, Dili, kinta (10/03).

Tanba iha tempu kampaña, politiku sira uza joven sira harame sira-nia palku, mobiliza joven husi fatin ida ba fatin seluk no pinta-an tun sa’e hakilar viva, maibé liu tiha eleisaun joven sira filafali ba situasaun normál laiha servisu.

“Ami husu ba partidu politiku sira atu labele aproveita de’it joven sira iha tempu kampana, tanba ami haree iha kampaña durante ne’e maioria joven barak mak partisipa no dalaruma militante sira hetan dezastre hanesan konfrontru entre militante partidu politiku sira, tuda malu, trata malu no rai odiu ba malu maibé to’o ikus depois de hetan fiar no ukun líder partidu politiku sira la konsidera joven sira-nia luta durante kampaña hodi lori vitória ba sira”, dehan nia.

Nune’e husu ba joven sira atu foka ba ida-idak nia atividade prioritaria hodi sustenta moris loroloron no akompaña de’it kampaña iha mídia sira, no labele lakon tempu ba kampña.

“Ha’u mós husu no sugere ba joven sira atu foka ba ida-idak nia atividade prioritaria sira hanesan asesu ba edukasaun, estuda, aprende, halo toos ou natar, dezenvolve kreatividade inovativa hodi kria servisu ba-an rasik no labele lakon tempu ba kampaña ne’ebé dok husi ita-nia hela fatin hodi reduz konflitu no desastre no tur hakmatek iha uma husik politiku sira mak buka ita-boot sira ou bele akompaña de’it notísia kampaña nian liuhusi mídia hanesan rádiu, televizaun, internet no seluk tan”, afirma nia.

Tanba ne’e, joven sira akompaña programa polítiku sira, bainhitra iha loron eleisaun mak fó votu segredu ba líder ida ne’ebé mak ninia programa di’ak ba joven sira, ba nasaun no ba assuntu dezenvolvimentu sira seluk.

“Labele tanba de’it ema influénsia no tuir fali ema seluk tanba o nia votu ida segredu ne’e bele deside nasaun nia di’ak iha tinan lima oin mai”, deklara nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter