“Tempu to'o ona atu deskansa, sé ita ko'alia de'it avo sira (Horta-Xanana) lakohi deskansa, di'ak liu mak ita haruka vota ba Kamarada Lú Olo, hodi avo sira (Horta ho Xanana) bele tur hakmatek haree nia beioan sira”, dehan Lela Huno iha Kampaña Eleitorál ba kandidatu Prezidente Repúblika Francisco Guterres ‘Lú Olo’, iha Munisípiu Manufahi, tersa (08/03).

Ho kompromisu polítika ne'ebé Lú Olo aprezenta iha rai Manufahi ne'e, Partidu Os Verdes hakarak husu nafatin ba Xanana atu di'ak liu sai aman ba partidu hothotu nomós husu partidu hothotu sai mahon ba Xanana nu’udar líder Nasionál.

“Ita husu ba ita-nia aman sira atubele sai mahon ba Maubere no Buibere tomak, saida mak Maubere ho Buibere hakarak, ita hakarak moris di’ak no ita hakarak hahán ba ita-nia uma na’in ida-idak”, afirma nia. (*)