Login to your account

Username *
Password *
Remember Me

CNE Konfirma Kondisaun Saúde Impede Kandidatu Na’in-Haat La Prezensa iha Asina PEP

Kandidatu Prezidente Repúblika hasai foto hamutuk hafoin asina Paktu Eleisaun Pasifiku iha Salaun CNE, Kolmera, segunda (28/02). Kandidatu Prezidente Repúblika hasai foto hamutuk hafoin asina Paktu Eleisaun Pasifiku iha Salaun CNE, Kolmera, segunda (28/02). Foto Tempo Timor

Tempotimor (Dili)-Komisaun Nasionál ba Eleisaun sira (CNE) konfirma ona kandidatu na’in-aat (4) haesan husi Partidu PD, KHUNTO no kandidatu independente na'in-rua, Isabel no Antero la marka prezensa totál iha Asina Paktu Eleisaun Pasífiku (PEP) ho tema, ‘Kulturál ita promove paz no unidade iha eleisaun prezidente 2022’, tanba kondisaun saúde ne’ebé la permite, maibé kontinua fó apoiu ba atividade aina Paktu Unidade Nasionál (PUN).

“Atu konfirma ita hotu iha fatin ne'e, kandidatu, ohin 16 maibé balun la marka prezensa, tanba la'ós la apoiu ita-nia programa ida ne'e, maibé razaun dehan balun moras okupadu, tanba ne'e nia reprezentante mai nafatin hodi ita kontribui nafatin”, dehan, Prezidente Komisaun Nasionál Eleisoes (CNE), José Agostinho da Costa Belo, iha iha Salaun CNE, Kolemra, segunda (28/02).

Maske Kandidatu na’in-haat laiha maibé nafatin iha espiritu boot katak, sermónia ida ne'e hahú ona, laiha liafuan murak atu hato'o.

“Ita sente katak halo buat ida tenke hothotu iha, maibé sira la mai mós ita iha hotu ona, tanba ita ida de'it, múzika ne'ebé ohin hato'o ita ida de'it, ita-boot sira -ia kompromosiu no komportamentu ne'ebé hatudu la'ós ba ita ida iha ne'e, maibé ba territóriu Timor laran tomak, fasilita husi Rádiu Televizaun Timor-Leste, empreza públiku (RTTL,EP) sira bele sintuniza iha ne'ebá”, esplika nia.

Kultura sai instrumentu importante identifika Timoroan, katak iha kultura ida orienta sira moris loroloron nian no bele orienta sira bele ukun nasaun ida ne'e.

“Kompromisiu Paktu ida ne'ebé ita asina ho laran tomak ho neon tomak, ita iha lei prinsípiu lei eleitorál, kampaña sira ne'ebé ita sei la'o tuir maibé paktu ida ne'e importante tebes orienta ita nafatin, ba ekipa sira hotu no apoiante sira hotu, ba sidadaun Timoroan tomak, katak maske ita rai ki'ik nafatin hatudu nia kualidade hatudu nafatin nia respeitu lei no regra sira iha”, dehan nia.

Husu kandidatu sira katak jestu no istilu ida ne'e mak Timoroan espera aban bainrua iha futuru sei halo tuir, Komisaun Nasionál ba Eleisaun sira la halo diskrimanasaun ba kandidatu ida maibé buat hotu la'o tuir lei no regra.

“CNE hakarak hamutuk ho sosiedade no sidadaun tomak sei lori kandidatu ida di'ak ba tur iha Aitarak laran, ita-nia votu iha 19 marsu mak determina, ita sei hakbesik-an iha fatin votasaun ho rasionál, apoiu tomak husi ita-nia kolega sira ne'ebé servisu iha orgaun nasionál”, dehan nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter