Ho asina paktu ne’e, liga ba kampaña eleitorál ne’ebé kandidatura hamutuk 16 ne’ebé sei hala’o kampaña polítika husi loron 2 to’o 16 marsu, iha baze hodi hato’o programa no vizaun ba votante sira hafoin ba vota iha sentru votasaun loron 19 marsu 2022.
Tuir observasaun www.tempotimor.com iha terenu nota katak, kandidatu husi númeru sorteiu ida to’o 16 ne’e, husi parte komisaun organizadora bolu atu asina Paktu Unidade Nasionál, maibé kandidatu ho númeru soreteiu 1, 9, no 16 la marka prezensa iha de’it reprezentante, maibé kandidatu ho númeru sorteiu 10 laiha ema ida mak reprezentante inklui kandidatu rasik la marka prezensa.
Entretantu, kandidatu na’in 11 inklui reprezentante kandidatu na’in-tolu seluk partisipa ona iha juramentu ba kampaña elitorál, maibé kandidatu ho númeru soretiru 14 la hola parte iha juranementu ne’ebé kandidatu sira presiza halo, tanba to’o tarde iha Komisaun Nasionál ba Eleisaun sira (CNE).
Iha teste juramentu ne’ebé kandidatu sira asina le hafoin asina, iha loron segunda (28/02) katak, Kandidatu Prezidente Repúbliak Demokrátika Timor-Leste ho neon ho laran kompromete; 1. Kumpri konstituisaun, lei, dekretus governu ba iha eleisaun prezidente tinan 2022, 2. Respeita prinisipiu kampaña eleitorál, 3. Promnove direitu umanu no igualidade jeneru, nu’udar fandasaun haburas hodi demokrásia, 4. Konsidera no promove diálogu nu’udar meius hametin paz, estabilidade no unidade nasional ba dezenvolve nasaun Timor-Leste, 5. Pronto simu rezultadu eleisaun no fó apoiu ba kandidatu ne’ebé eleitu nu’udar PR RDTL ba periodu 2022 to’o 2027”.
Entretantu, liga ba kandidadu sira ne’ebé la marka prezensa no hetan reprezentante de’it mak www.tempotimor.com tenta atu halo konfirmasaun ba reprezentante kandidatura ho númeru sorteiu 9 maibé, pesoál ne’ebé reprezentante fila kedas ba sede hafoin remata juramentu no asina paktu unidade nasional.
Alende ne’e kandidatu sira ne’ebé Tribunál Rekursu (TR) admite hodi partisipa eleisaun ho númeru sorteiu (1) Isabel da Costa Ferreira, (2) Hermenes da Costa Correia Barros, (3) Maria Ângela Freitas da Silva, (4) Rogéiro Tiago de Fátima Lobato, (5) Anacleto Bento Ferreira, (6) Francisco Guterres (Lu Olo), (7) Maria Helena Lopes de Jesus Pires, (8) Tito da Costa Cristovão (Lere Anan Timur), (9) Armanda Berta dos Santos, (10) Antero Benedito da Silva, (11) Contâncio da Conceição Pinto (Terus), (12) Virgílio da Silva Guterres (Lamukan), (13) Martinho Germano da Silva Gusmão. (14) Jose Manuel Ramos Horta, (15) Felisberto Araújo Soares, (16) Mariano Assanami Sabino Lopes (*)