Login to your account

Username *
Password *
Remember Me

Lú Olo Kontinua Defende Estabilidade no Dezenvolvimentu

Kandidatu Prezidente Repúblika (PR) 2022-2027, Francisco Guterres ‘Lú Olo’. Kandidatu Prezidente Repúblika (PR) 2022-2027, Francisco Guterres ‘Lú Olo’. Foto Suplay

Tempotimor (Dili)-Kandidatu Prezidente Repúblika (PR) 2022-2027, Francisco Guterres ‘Lú Olo’ deklara, sei kontinua defende estabilidade no dezenvolvimentu Timor-Leste nian, tanba husu ba povu tomak atu f’o votu iha loron 19 marsu, iha snetru votasaun sira.

“Ha'u hakarak kaer metin nafatin de'it liafuan ne'ebé ha'u foin ko'alia uluk, vota ba Lú Olo hanesan ita vota ba estabilidade, vota ba estabilidade nasionál, vota ba diálogu, vota ba dezenvolvimentu Timor-Leste ninian, vota ba paz ninian, ida ne'e mak ha'u hakarak husu ba povu”, dehan Lú Olo iha edifisiu RTTL.EP, Kaikoli, tersa (01/03).

Durante nia mandatu tinan 5 nakonu ho dezafiu oioin hanesan krize polítika, pandamia Covid-19 ho inundasaun pratikamente nakonu iha Timor-Leste.

“Ha'u hakarak atu hatete ba ita-boot sira e aproveta mós liuhusi ita-boot sira, fó mensajen ba povu tomak liuhusi ita sira-nian, katak durante ha'u-nia mandatu tinan lima nia laran hanesan ema hotu hatene, imi wartawan (jornalista) sira mós hatene, ita enfrenta dazafiu oioin, prezidente da repúblika enfrenta dezafiu oioin, dezafiu kona-ba politik ninian ne'ebé ema bolu krize politiku, tuir fali dezafiu kona-ba pandamia ninian, depois mai inundasaun tan ba ita-nia rain, ita-nia sidade Dili, situasaun tolu ida ne’e mak nakonu pratikamente nakonu iha ita-nia rai”, esplika Xefe Estadu.

Tanba tempu ne'e Prezidente Repúblika enfrenta situasaun ida ne'e hamutuk ho organ Estadu sira seluk, maibé ohin Lú Olo bele sente kontente tanba, konsege utrapasa liu situasaun sira ne'e hotu.

“Liuhusi ha'u-nia desizaun rasik, hodi halo situasaun ne'e hakmatek nafatin la iha ema ida ke terus, ita terus de'it ba Covid ita-nia maluk Timoroan mate atus ida resin ba Covid ne'e de'it, laiha tan situasaun seluk ida ne'ebé halo povu ida ne'e tur la hakmatek, laiha ida”, dehan nia.

Povu hothotu hakmatek ida ne'e Lú Olo nia haksolok, e segundu lugar sente mós haksolok atu hatete ba povu katak, povu ida ne'e matenek duni, biar bele krize ida ne'e mosu maibé povu hothotu moris hakmatek iha nia uma, buka sira-nia moris atu oinsá hodi bele hetan ai-han nafatin iha loron ida atubele fó hán ba sira-nia oan sira, sira-nia família, atubele haruka nafatin sira-nia oan sira ba eskola, atu nafatin ba ospitál sira, para atu trata sira-nia saúde.

“Ha'u hanoin ida ne'e mak importante tebtebes ba povu ida ne'e e ha'u fiar katak povu ida ne'e sei matenek ba oin nafafin bainhira situasaun sira la'o bele akompaña ho di'ak nafatin”, afirma Lú Olo. (*)

Rate this item
(0 votes)
Last modified on Tuesday, 28 June 2022 13:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter