“Razaun ne'e mak ami foti desizaun la hola parte iha asina Paktu Unidade Nasionál, tanba se ami ba tur hamutuk ho líder koruptu sira entaun horsida ami bele sai koruptu hotu, ami foti posizaun ida la partisipa, ami lakohi tur hamutuk ho kandidatu sira ne'ebé uza osan sosa votu, depois destroi demokrasia populár ne'e”, deklara Prezidente Ekipa Susesu Antero, iha Bairu Bitabaha, Aimutin, segundu (28/02).

Maske Paktu Eleisaun Pasifiku (PEP) ne’ebé hala’o husi CNE iha loron segunda (28/02), importante tebes, maibé konsidera hanesan unidade serimoniál no la lulik, tanba lisan koletiva iha demokrasia modernu ida.

“Ita simu duni konvite ne'e, ita konsidera maibé ne'e la'ós fator determinante ba ita-nia luta, konsentizasaun masa populár para ita hatene ita-nia luta ba povu populár mak ida ne'ebé. Razaun segundu mak ami haree katak tuir loloos kandidatu sira husi partidu sira seluk ne'ebé iha ona labele ba asina paktu eleisaun Pasífiku ne'e”, afirma nia.

Bainhira paktu ne'e lulik, sira mós presiza hala'o polítika prátika ho loloos ba povu Maubere nia sofrementu ne'ebé durante halerik hela ba nesesidade loron.

“Pratika kulturál sira bele lulik, maibé buat sira ne'e osan ba sai simbolika de'it, ami bele fiar katak paktu bele asina, bele selebra liuhusi kultura sosiál sira ne'e, maibé la siknifika ba oin ne'e atu prevene situasaun konflitu no aktu korruptu, ne'e sei la prevene tanba kandidatu sira boot ne'e sempre korruptu”, dehan nia.

Tanba ne'e, sira deskorda ho paktu eleisaun Pasífiku ho kultura ba promove paz no unidade iha eleisaun prezidensiál tinan 2022 ne'e, konsidera hanesan rituál sermoniál.

“Ami haree katak, partidu boot ne'ebé iha ona no kandidatura ne'ebé iha osan boot iha ona, sira ne'e prátika hela polítika korruptu, uza osan para sosa ema nia votu, ita labele mentaliza ema hotu nia hanoin mak osan, sim osan importante ba ita atu serbí ita, maibé la'ós osan atu kontrola ita”, esplika nia.

Bainhira uza osan demokrasia sei ba kotuk no sai aat liu, de aula demokrasia ho osan, apoiante iha baze informa mai katak atividade kampaña balun, lori osan sosa ema nia votu barabarak tebes iha fatin-farin.

Razaun ne'e mak foti desizaun la hola parte iha Asina paktu Unidade Nasionál tanba tur hamutuk ho líder korup sira entaun horsida bele sai koruptu hotu, foti posizaun ida la partisipa, tanba lakohi tur hamutuk ho kandidatu sira ne'ebé uza osan sosa votu, depois destrui demokrasia populár ne'e.

“Razaun rua ne'ebé prinsipál tebes, ami la partisipa iha paktu unidade nasionál ohin, ami-nia kamrada sira iha baze husu ami halo esplikasaun sira bele komprende, husi ba sira ne'ebé korrupsaun iha baze ne'e, sira rasik ba para hamosu sira-nia oin iha ne'ebá, ami fiár-an katak kampaña sempre pasífiku, edukasionál para eduka povu ho luta loloos, la'os lori osan ba sosa votu”, afirma nia.

Maibe prátika kuaze 20 anus ona mesak korruptu ona ho polítika osan foer no polítika egoizmu sira ne'e, kultura bele lulik maibé osan ba buat sira konsidera simbolika de'it.

Misaun atu lori eleisaun prezidensiál ne'e ho diskursu alternativa ba kultura foun, kultura ne'ebé mak hanorin ema labele kolonizadu husi osan. (*)