Login to your account

Username *
Password *
Remember Me

Governu Aseita Proposta Lei Eleitorál ba Parlamentu Nasionál

Reuniaun Konsellu Ministru sira iha Palasiu Governu. Reuniaun Konsellu Ministru sira iha Palasiu Governu. Foto Suplay

Tempotimor (Dili)-Governu liuhusi Konsellu Ministru (KM) aprova ona Proposta Lei ne’ebé aprezenta husi Ministru Administrasaun Estatál, Miguel Pereira de Carvalho, ba alterasaun dalima Lei númeru 6/2006, loron 28 fulan-dezembru, ne’ebé aprova Lei Eleitorál ba Parlamentu Nasionál.

“Projetu ne’e hakarak atu introdúz iha Lei Eleitorál ba Parlamentu Nasionál inovasaun sira ne’ebé introdúz ona iha tinan 2011 iha Lei Eleitorál ba Prezidente Repúblika, hodi mantein armonizasaun regra sira kona-ba prosesu eleitorál iha órgaun soberanu ne’e”, dehan Ministru Prezidénsia Konsellu Ministru (MPKM), Fidelis Leite Magalhães iha Palásiu Governu, kuarta (03/08).

Iha alterasaun ne’e inklui mós regra foun sira kona-ba oráriu funsionamentu sentru votasaun, lisensa ba jornalista, iha servisu kobertura jornalístika eleisaun parlamentár nian, sira vota iha sentru votasaun ne’ebé besik liu iha sira-nia servisu fatin, obrigatoriedade eleitór sira hodi identifika sira-nia an bazeia ba dokumentu identifikasaun pesoál ne’ebé valídu, ka kriasaun figura monitór eleitorál ne’ebé ninia funsaun hanesan ho observadór eleitorál sira.

Norma balu mós hadi’a, hodi klarifika katak iha asembleia apuramentu nasionál CNE deside ho definitivamente kona-ba votu nulu sira, no katak elementu sira ne’ebé tau iha boletin votu inklui inkluzaun númeru orden husi kada kandidatura rezultadu husi sorteiu lista kandidatura sira”, esplika nia.

Ikus liu, adota inovasaun prinsipál ida husi eleisaun prezidensiál tinan 2021, mak hanesan, sentru votasaun paralelu sira, maske ho forma foun.

Nune’e, prevee atu instala sentru votasaun paralelu sanulu-resin-tolu, iha Díli, ida-idak asosia ba Munisípiu ida no ba RAEOA.

Ba sidadaun eleitór saída de’it ne’ebé inskreve ona iha unidade resenseamentu fora husi Díli, no ne’ebé la hakarak atu ba vota iha ninia sentru votasaun orijinál rasik, bele inskreve iha sentru votasaun paralelu sira ne’e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter