Tuir informasaun ne’ebé www.tempotimor.com, asesu iha pájina RAEOA, kuarta (03/08) katak, Prezidente Autoridade RAEOA) no ZEESM, Arsénio Paixão Bano, akompaña husi Sekretáriu Rejionál Asuntu Agrikultura, José Eta, Sekretáriu Rejionál Asuntu Komérsiu no Indústria, Pedro da Cunha D. S. Boaquifai, Diretór Rejional Infraestrutura (DRI), Candido dos Reis Amaral, Xefe Departamentu IJE, Tomas Pinto, Xefe Departamentu Estrada Kontrollu Ponte no Cheias, Camilo Kefi, hala’o Monitorizasaun no observa direita ba projeitu Konstrusaun melloramentu estrada inklui estabelesimentu ponte foun diresaun suku Usi-Tasa'e no suku Bobometo iha sub-rejionál Oé-silo.
Prezidente Autoridade ho ekipa kontinua kedas hala'o observasaun direita ba fatin estavelesimentu konstrusaun ponte foun iha área Bitopa Hauana Aldeia Buqui, tanba ponte ne'e iha ona faze aprovizionamentu ba tenderizasaun no tempu badak sei kontrui inklui ponte Noetoko, no Neofmetan Suku Banafi.
Iha melloramentu estrada ho estabelesimentu ponte foun ne'e atu benefisia komunidade Suku Usi-Tasa'e, Banafi, Lelaufe, Cunha, Bobometo, Usitaqueno, Abani no Malelat atu halo movimentu iha tempu uza hodi lori produtu lokál ba merkadu. (*)