Tempotimor (Dili)-Kandidata Prezidente Repúblika (PR) husi Partidu Kmanek Haburak Unidade Timor Oan (KHUNTO), Armanda Berta dos Santos hatete, nia parte prontu hametin paz no lori moris di'ak ba povu Timor-Leste, bainhira hetan konfiansa eleitu ba Prezidente Repúblika iha loron 19 fulan-marsu.

Tempotimor (Dili)-Kandidata Prezidente Repúblika (PR) Independente períodu 2022-2027, Milena Pires, hakarak sai Prezidente Repúbliki hodi halo mudansa ba povu nia moris.

“Ha'u-nia logu kampaña, tinan foun, polítika foun mak dalan ba mudansa no povu nia moris di'ak, tanba ida ne'e mak ha'u hakarak kandidata-an, la'ós atu sai boot, la'ós atubele sa'e karreta di'ak, la'ós atu ba tur iha aitarak laran. Atubele halo buat ruma ba povu nia moris di'ak”, dehan Milena hafoin kampaña dahuluk iha Postu Administrativu Gleno, Munisípiu Ermera, kuarta (02/03).

Tanba, eleisaun preziensiál ne'ebé mak sei hala'o iha loron 19 marsu 2022, ne'e importante loos, atubele kontribui ba Timor-Leste ninia dezenvolvimentu iha futuru.

“Ha’u hamrik iha ne'e ohin loron iha ita-nia oin, tanba hakarak kontribui ba Timor-Leste ida ne'ebé inkluzivu, Timor-Leste ida ne'ebé timoroan hothotu, sinte katak sira hola parte ba ida ne'e”, dehan nia.

Timor-Leste tenke iha oportunidade hanesan ba timoroan hothotu iha no tenke Timor-Leste ida ne'ebé justu, ema hanesan hotu iha justisa nia oin, la'ós justisa ba povu ki'ik de'it.

Tanba hanesan públiku tomak haree no rona bebeik povu nia halerik, katak justisa ne'e ba de'it povu ki'ik maibé ba fali boot sira ladun iha justisa.

Ho situasaun hirak ne'e, Prezidente Repúblika presiza hakbesik-an ba povu, no tenke moris iha povu nia let, labele tur de'it iha Aitarak laran, loroloron taka de'it aan iha Aitarak Laran, husik nia povu moris at iha baze.

“Servisu bele hakna’ar-an iha Aitarak Laran, maibé semana rua hanesan tenke tun ba hamutuk ho povu, haree ho matan, saida mak povu nia moris loroloron, kompriende saida mak povu nia halerik, difikuldade ne'ebé mak iha ita-nia moris loroloron”, hatete nia.

Tanba hanesan públiku hatene katak babain ema barak atu iha de'it etu bikan tolu loron ida atu hán susar teb-tebes, ne'e mak prezidente repúblika presiza sai konsiénsia Estadu Timor-Leste nian, ba saida mak povu nia moris di'ak. (*)

Tempotimor (Dili)-Partidu Demokrátiku (PD) ne’ebé deside hodi avansa ho Mariano ‘Assanami’ Sabino, hanesan Kandidatu Prezidente Repúblika (PR) husi període 2022-2027, tanba hakaparak hapara hanoin no palnu ne’ebé mosu nafatin hodi fahe Timoroan.

Tempotimor (Lautein)-Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, hamutuk ho José Ramos Horta, hahú ataka Kandidatu Prezidente Repúblika (PR), Francisco Guterres ‘Lú Olo’, iha loron dahuluk kampaña ba Kandidatu José Ramos Horta, iha Lospalos, Munisípiu Lautein, kuarta (02/03).

Tempotimor (Dili)-Kandidatu Prezidente Repúblika (PR) Independente Períodu 2022-2027, Vergílio da Silva Guterres ‘Lamukan’ hahú hamanas kampaña ho mehi hakarak veta Orsamentu Jerál Estadu (OJE) 2023, bainhira eleitu eleisaun Prezidensiál.

Tempotimor (Dili)-Komandu Jerál Polísia Nasionál Timor-Leste (PNTL) husu ba membru sira ne'ebé dezloka ba terenu atu asegura kampaña no eleisaun prezidensiál 2022 nia, atu hatudu nafatin disiplina no neutralidade.

Tempotimor (Dili)-Prezidente Ekipa Susesu Kandidatu Independente Antero Bendito, Fernando Ximenes hatete, sira-nia kandidatu la partisipa iha asina Paktu Eleisaun Pasifiku (PEP) ne’ebé organiza husi Komisaun Nasionál ba Elesiaun sira (CNE), tanba lakohi asina paktu ida ho líder ne’ebé konsidera koruptór.

Tempotimor (Dili)-Rádiu no Televizaun Timor-Leste, Empreza Públika (RTTL,EP) hamutuk ho ajénsia Teknolojia Informasaun no Komunikasaun (TIC Timor I.P) selebra akordu hodi lansa liña fiber optic (FO), live eventu husi Munisípiu, File Transfer Protucol (FTP) Server, website no webmail hodi aktualiza no garantia informasaun baze iha kampaña eleisaun prezidensiál 2022.

Tempotimor (Dili)-Kandidatu Prezidente Repúblika (PR) períodu 2022-2027, Angela Freitas da Silva, mehi hakarak sai Prezidete Repúblika atubele asegura diretu sidadaun ba seguransa sosiál báziku.

Tempotimor (Dili)-Komadante Operasaun Polísia Nasionál Timor-Leste (PNTL), Superentidente Xefe Pedro Belo deklara, PNTL sei foti medida ne'ebé mak forte hasoru aktu krime iha tempu kampaña no eleisaun prezidensiál.