“Iha ne'e, sé imi fó fi'ar mai ha’u, eleitu ba prezidente Repúblika mak ha’u iha misaun no vizaun, hametin paz no lori progresu prospriedade ba povu tomak nia di’ak”, dehan Berta hafoin hala'o kampaña dahuluk iha Munisípiu Ainaro, kuarta (02/03).

Ho kompromisiu hametin Estadu Demokrátiku, tanba objetivu ida katak sai Prezidente Repúblika, tenke iha korajen ida no fó hanoin nafatin ba Governu, atu kria kondisaun ne’ebé mak di’ak ba orgaun Estadu oinsá mak bele alkansa progresu no prospriedade povu nian.

Bainhira atu realiza mehi ida ne'e presiza mós ambiente ida ne’ebé iha paz, tanba bainhira laiha paz mak dezenvolvimentu no progresu nasaun nian sei paradu.

Tanba ne'e, hakarak ka lakohi Timor-Leste presiza polítika ida ne’ebé estavel atubele hametin polítika interna no externa ne’ebé di’ak ba dezenvolvimentu nasionál. (*)