Login to your account

Username *
Password *
Remember Me

RTTL ho TIC Selebra Akordu Atualiza Informasaun iha Kampaña Eleisaun

Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, lansa liña fiber optic(FO), live eventu husi Munisípiu, File Transfer Protucol (FTP) Server, website no webmail, ba RTTL,EP. Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, lansa liña fiber optic(FO), live eventu husi Munisípiu, File Transfer Protucol (FTP) Server, website no webmail, ba RTTL,EP. Foto Tempo Timor

 

Tempotimor (Dili)-Rádiu no Televizaun Timor-Leste, Empreza Públika (RTTL,EP) hamutuk ho ajénsia Teknolojia Informasaun no Komunikasaun (TIC Timor I.P) selebra akordu hodi lansa liña fiber optic (FO), live eventu husi Munisípiu, File Transfer Protucol (FTP) Server, website no webmail hodi aktualiza no garantia informasaun baze iha kampaña eleisaun prezidensiál 2022.

Lansamentu ba situs hirak ne'e atu nesesita duni situasaun atuál relasiona ho kampaña prezidensiál, ne'ebé halo live streaming husi munisípiu sira importante tebes ba komunidade hodi atualiza notísia sira ne'ebé atuál.

“Tanba ne'e agradese ba TIC Timor ne'ebé mak bele fasilita RTTL,EP iha área ida ne'e, nune'e RTTL  bele halo sira-nia servisu ne'e hodi di'ak liután, atu fó informasaun di'ak liután, koopersaun ida ne'e sei kontinua nafatin iha futuru, nune'e nafatin atualiza informasaun ho lalais liu, no kooperasaun ne'e di'ak tebetebes, tanba planu ne'e tinan kotuk ko'alia tinan ne'e ita realiza”, dehan Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, iha Palásiu Governu, segunda (28/02).

Tanba ne’e, TIC bele dezenvolve tuir nesesidade RTTL,Ep nian iha kurtu, médiu no longo prazu hodi fasilita di'ak liután prestasaun servisu ba komunidade iha nível rurál no nasionál tomak.

“Governu ho ninia hanoin desde uluk kedas bainhira kuandu aprova programa no planu iha PN, hanoin hela hanusa mak atu diversifika oituan-oituan hodi hahú hadi’a RTTL,Ep para sai RTTL ida ne'ebé mak sai Timoroan tomak hotu nia, tanba informasaun sira ne'ebé fó sai Timoroan sira sempre akompaña iha nível nasionál to’o baze”, hatete Ministru Francisco.

Ba diversifikasaun atu hadi’a RTTL,EP oituan ba oituan, hahú uluk husi dijitalizasaun nune'e agora kooperasaun ho TIC Timor ona hodi bele dijitaliza di'ak liután RTTL,EP.

Diretór Ezekutivu TIC Timor I.P, Roberto Caetano de Sousa, agradese ba Governu liuhusi RTTL,EP ne'ebé iha konfiansa no fiar ba sira nu'udar tékniku Timoroan ne'ebé iha ona koñesimentu ne'ebé di'ak hodi fornese solusaun informátika ba parte Governu nia.

“Agradese wain, tanba bele ona hahú kolaborasaun di'ak tebes, ohin ita hahú marka pasu tuir mai liuhusi ambiente lansamentu live ida ne'e, hodi la'o ba futuru ho politika Governu eletróniku nia, liliu tau iha prátika iha tempu kampaña prezidensiál”, dehan nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter