“Ne'ebé qualquer provokasaun ka qualquer krime ne'ebé mak mosu iha rai laran, liliu tempu kampaña no tempu eleisaun e nune'e mós depois de Eleisaun, PNTL sei foti medida ne'ebé forte no atuasaun tuir lei ne'ebé mak vigora iha ita-nia rai laran”, afirma Pedro Belo, iha edifísiu UEP, Bairopite, segunda (28/02).

Tanba membru PNTL tama ona iha faze treinamentu, preparasaun no formasaun ne’ebé sei uza forsa halo atuasaun tuir nível ne'ebé sira hetan iha formasaun hodi atua aktu krime ne'ebé mak sei akontese iha tempu kampaña.

Nune'e husu ba apoiantes sira ne'ebé uza estrada públiku, atu toma atensaun ba tempu kampaña no presiza mós respeita sidadaun sira seluk bainhira la’o iha Estrada.

Iha seguransa públiku Envolve Polísia hothotu iha fatin públiku, atu kontrola iha Estrada, ne'e maximu iha ne'ebá, tanba ne'e atu sé de'it mak uza estrada tenke respeita nafatin kódigu estrada iha tempu kampaña.

Kuandu la respeita kódigu estrada mak PNTL sei nafatin tau lei no orden tuir lei kódigu estrada númeru 6/2023 ne'ebé mak sei aplika koimas ba sira.

“Qualquer aktu ne'ebé kontra lei, PNTL sei foti médida forte, tuir lei no orden ne'ebé vigora iha ita-nia rai”, deklara nia. (*)