Segundu Komadante Jerál PNTL, Komisáriu Mateus Fernandes hatete, prosesu demokratizasaun ida ne'e, persiza PNTL nian prezensa, no PNTL nian intervensaun hodi asegura eleisaun ida ne'ebé kredivel.

“Atu apela ba ita hotu, liliu ita sira ne'ebé iha seguransa, atu asegura didi’ak iha kampaña no eleisaun prezidensiál ne'ebé sei mai, tanba filozofia PNTL nia ba eleisaun mak, neutru, imparsiál no disiplina”, dehan Komisáriu Mateus Fernandes, iha Komandu Jerál, Kaikoli, tersa (01/03).

Nune'e husu ba komandante sira husi munisípiu 13, no komandu Unidade Patrolamentu Fronteira (UPF), Unidade Espesiál Polísia (UEP), no Unidade Polísia Maritima (UPM) atu orienta didi’ak membru sira kona-ba liña orientadór ne'ebé komandu jerál fó, liliu vizaun, misaun no filozofia Komamdu Jerál, hodi orienta no fó seguransa ba kampaña no eleisaun prezidensiál.

Maibé husu nafatin atu servisu hamutuk ho orgaun eleitorál sira, oinsá mak bele garante vizaun no misaun PNTL nian ho filozofia ne'ebé mak Kamandu Jerál orienta ona. (*)