Komandante PNTL Munisípiu Dili, Superintendente Xef Henrique da Costa informa, PNTL halo aprensaun ba motorizada hirak ne'e tanba Viola lei Kódigu estrada, liliu ba asesór sira, hanesan espellu, sapa mátrikula, ahi oan no karta kondusaun inklui mós ba iha arma branka ninia.
“Iha kalan kalan ita-nia komandu munisípiu Dili nafatin passa revista ba iha motorizada nomós karreta nia ne'e ita nafatin halo, liliu ba asesór sira, hanesan espellu, sapa matrikula, ahi oan ka karta kondusaun nomós ba arma branka ninia, nune'e hodikalan operasaun ne'ebé mak hala’o iha komandu munisípiu Dili, ita hala'o iha fatin tolu, ita prende evidénsia hamutuk 65”, informa Komadante PNTL Dili Henrique, iha komandu Munisípiu Dili, tersa (01/02).
Evidénsia hirak ne'e entrega hotu ona ba tránzitu Munisípiu Dili ninia hodi halo prosesu passa multa ba motorista sira.
Entretantu operasaun ida ne'e sei la para no kontinua nafatin, tanba ninia tarjetu mak ba sasán kroat, no ba asesór karreta ho motoriza, no dokumentu, inklui sasán sira seluk, hanesan droga hodi kontrola seguransa iha munisípiu Dili. (*)