Tempotimor (Dili)-Deputadu bankada FRETILIN, Francisco Miranda Branco, husu ba sidadaun hotu atu fó tratamentu ne’ebé di’ak no dignu ba labarik sira iha rai laran.

Tempotimor (Dili)-Komandu Jerál Polísia Nasionál Timor-Leste (PNTL) foti desizaun hodi nomeia atuál Direitór Servisu Informasan Polisia (SIP), Superintendente Xefe Hermenegildo Gonsaçalves Alves ba adidu Seguransa iha Austrália no Superintendente Polisia, Boavida Ribeiro lidera Komandante Servisu Informasan Polísia (SIP).

Tempotimor (Dili)-Prezidente Tribunál Rekursu (TR), Deolindo do Santos deside, taka informasaun kona-ba kazu konkreta iha Tribunal ba públiku.

Tempotimor (Dili)-Xefe Bankada Congresso Nacionál de Reconstrução de Timorense (CNRT), Duarte Nunes, hakarak governu taka Ministériu ne’ebé laiha jestaun ba atividade Ministériu iha situasaun Estadu Emerjénsia (EE) no Konfinamentu Obrigatóriu.

Tempotimor (Dili)-Forum Organizasaun Naun Governamentál Timor-Leste (FONGTIL) prontu atu hatán ba karta notififikasaun husi Polísia Nasionál Servisu Investigasaun Kriminal (PNSIK) ne'ebé akuza nia funsionáriu ida sai suspeitu ba kazu visum ba insidente iha área Tasitolu.

Tempotimor (Dili)-Instituisaun Estadu tolu deside sei regula tratamentu proposta individual Funsionáriu Públiku (FP) ne’ebé durante ne’e aprezenta hodi hetan formasaun no bolsu estudu iha rai-laran no estranjeiru. 

Tanba ne’e, instituisaun sira ne’e hanesan Komisaun Funsaun Públika (KFP), Institutu Administrasaun Públika (INAP) ho Fundo Dezenvolvimento Capitál Humano (FDCH) selebra akordu ida hodi halo monitorizasaun.

Komisáriu Komisaun Funsaun Públika (KFP), António Freitas hatete, akordu ida ne'e atu regula no kumprimenta ba dekretu lei sira seluk. Hanesan dekretu lei númeru 13/2021, nomós dekretu lei 38 kona-ba formasaun ba FP sira.

“Ida ne'e atu regula kona-ba odamatan ida de'it sobre tratamentu formasaun ba ita-nia funsionáriu públiku sira ne'ebé durante unilateralmente ida-idak ba aprezenta ninia proposta iha FDCH. Entaun, bainhira remata, ita lahatene, ita sempre halo levantamentu dehan, falta rekursu umanu, afinal ida por ida, depois remata, laiha ema ida filafali mai atu kontinua servi ita-nia estadu, mais ba fali fatin seluk”, esplika António Freitas iha Matadouro, segund (31/05).

Husi kooperasaun ne’ebé hala'o iha edifísiu KFP Matadoru, atu foka liu formasaun ba funsionáriu públiku sira husi parte instituisaun tolu nian.

Ho ida ne’e KFP, INAP no FDCH kria morandu ida ne'e atubele servisu ho kooperasaun di'ak liután, hodi regula no monitoriza, avalia FP sira ne'ebé tuir formasaun iha rai laran nomós liur, assisténsia bolsu estudu, kursu formasaun sira seluk ne'ebé tutela ba kompeténsia instituisaun sira ne'e.

“Ita hili de'it instituisaun superior sira ne'ebé hetan rekuñesimentu husi instuisaun tolu, la’ós ba hothotu. Ami enkamiña ba INAP, depois FDCH”, hatete nia. 

Nune’e Diretór Jerál Institutu Nasional Administrasaun Públika (INAP), Agostinho Letençio de Deus hatete, assinatura ne’ebé ko'alia kona-ba formasaun, bolsa estudu ho assisténsia  estudu, ne’ebé prosesu hotu termina ona ho kritériu.

“Ita iha ona rekezitu sira ne'ebé mak funsionáriu ida-idak tenke kompleta, e depende ba tipu saida, formasaun ka bolsu estudu ka ou assisténsia estudu. Kada tipu ida-idak, iha nia kritéria no rekezitu rasik”, dehan nia.

Entretantu Diretóra Fundo Dezenvolvimento do Capitál Humano (FDCH), Leila Cárceres dos Santos afirama, iha tinan 2021, orsamentu ne'ebé rejista iha livru 6, ho valór hamutuk rihun US$816, ne'ebé FDCH atribui ba INAP atubele haree ba programa haat (4) iha asuntu formasaun ninian.

“Formasaun ne'ebé tau iha programa formasaun ba área jenérika, espesialidaza, e bolsa estudu nomós apoiu subsídiu ba estudante funsionáriu públiku sira. Entaun, ita foka liu mak ba funsionáriu públiku sira”, afirma nia. (*)

Tempotimor (Dili)-Ministru Prezidensia Konsellu Ministru, Fidélis Leite Magalhães hatete, Konsellu Ministrus aprova rezolusaun ba Konfinamentu Obrigatória maibé garante nafatin sidadaun hotu halo movimentu ba resensiamentu eleitorál.

Tempotimor (Dili)-Eis Prezidente Repúblika, José Ramos Horta hatete, nia parte konkorda ho desizaun Governu hodi deklara sidadaun ne’ebé simu vasina dala-2 livre halo movimentu.

Tempotimor (Dili)-Sekretária Estadu Kooperativa (SEKoop) termina konferénsia internasionál husi governu Tailándia, liuhusi nia ajénsia National Institute Of Development Administrasaun (NIDA) ho susesu.

Tempotimor (Dili)-Polísia Nasionál Servisu Investigasaun Kriminál (PNSIK) notifika Forum Organizasaun Naun Governamental Timor-Leste (FONGTIL) sai suspeitu ba kazu publikasaun rezultadu visum husi vítima ne'ebé hetan agresaun fíziku hosi oknum PNTL iha Tasitolu.