"Ida ne'e regra komfinamentu, mais servisu ne'e bele la'o, iha uma mós online bele, maibé se mak halo jestaun ne'e Ministru ho Diretór sira mak halo jestaun, para atividade Ministériu nian labele paradu, ita labele justisa ezekusaun 25% ne'e tanba ema la mai servisu. Entaun Ministru halo jestaun saida, se o la servisu, o taka tiha ministériu, problema saida”, deklara Duarte nia iha PN, tersa (01/06).
Pozisaun CNRT mós lahatene durante iha regra konfinamentu obrigatóriu ne'e Diretór Jerál inklui funsionáriu sira kada Ministériu hala'o servisu ka la'e, Tanba ezekusaun OJE atinje de'it pursentu 25.
"Ita agora iha juñu, ha'u la hatane ema sira ne'e servisu ka la'e, foin mak 25%, ita iha tinan klaran (meiu ano) mak foin 25% siknifika que servisu laiha, ema la servisu”, hatete nia.
Nune’e Diretór Ezekutivu Organizasaun Noun Govermentál Timor-Leste (FONGTIL), Daniel do Santos, konsidera Primeiru Ministru (PM), Taur Matan Ruak, rekoiñese ninia membru governu sira laiha kapasidade atu ezekuta Orsamentu Jerál Estadu (OJE) 2021.
Maibé, deklarasaun ne'e atu hatudu momós ba públiku, katak membru governu sira mak book-an tarde no laiha kapasidade hodi hamosu planu atu ezekuta orsamentu iha pandemia nia laran.
"Primeiru Ministru nia deklarasaun ne'e bele dehan iha rajun tanba membru governante sira-nia kapasidade atu ezekuta ne'e mak problema, tanba ne'e mak primeiru ministru hatene katak membru sira inkapasidade atu ezekuta”, dehan nia ba www.tempotimor.com iha kna’ar fatin Kaikoli, sedta (28/05). (*)
