Tanba, sidadaun ne’ebé simu Vasina tiha maski hetan nafatin Covid maibé sei la moras boot, la mate tratamentu bele kura no ida ne’e vantajen halo vasina.
“Ne'e duni ha'u konkorda ho buat ne'ebé Governu hatete ho Vasina dalarua bele book la'o ba mai iha territóriu nasionál, tanba protesaun maka'as ona, siknifika o la infekta ema seluk”, dehan Horta hafoin halo enkontru ho Primeiru Ministru, Taur Matan Ruak iha Faról, tersa (01/06).
Premiadu Novel ba Paz mós ko'alia ho sientista sira iha Izrael, Alemaña, ne’ebé estuda kona-ba Covid 19 ho variante oioin. Maibé laiha ema ida hatete Vasina proteje pursentu 100.
Nune’e mós iha Vasina ida Vasina covid AstraZeneca ka Vasina moras seluk nia laiha maibé bele proteje to'o poserntu 90, bainhira vasina hetan moras maibé sei la moras todan.
Tanba ne’e, sidadaun hotu nafatin tuir regras
husi Organizasaun Saúde Mundiál (OMS) nomós Ministériu Saúde hodi uza máskara, distansiamentu, fase liman bebeik atu prevene-an.
Iha loron segunda (31/05), Konsellu Ministru (KM) deside ona kona-ba medida ezekusaun sira anteriór Deklarasaun Estadu Emerjénsia nian, rejista de’it alterasaun, hodi estabelese nafatin katak indivíduu sira ne’ebé ho sertifikasaun vasina kompleta kontra COVID-19, bele sirkula livre iha territóriu tomak, inklui munisípiu sira ne’ebé abranje husi impozisaun serka sanitária no konfinamentu domisiliáriu.
