Login to your account

Username *
Password *
Remember Me

SEKoop Termina Ona Konferénsia Internasional NIDA ho Susesu

Diretór jerál SEKoop, Francisco Xavier, ko'alia hela ba jornalista www.tempotimor.com iha kna'ar fatin Akait, segunda (31/05).  Diretór jerál SEKoop, Francisco Xavier, ko'alia hela ba jornalista www.tempotimor.com iha kna'ar fatin Akait, segunda (31/05).  Foto Suplay

Tempotimor (Dili)-Sekretária Estadu Kooperativa (SEKoop) termina konferénsia internasionál husi governu Tailándia, liuhusi nia ajénsia National Institute Of Development Administrasaun (NIDA) ho susesu.

“Formasaun ida ne'e hahú iha dia 17, 24 no 31 Maiu. Entaun, hamutuk loron tolu, e ohin (31/05) ikus liuba ida ne'e. Maibé, la siknifika dehan ida ne'e remata ona”, hatete Diretór Jerál SEKoop, Francisco Xavier ba www.tempotimor.com iha Akait, segunda (31/05).

Matéria ne'ebé funsionáriu sira aprende iha formasaun durante loron tolu foka ba jestaun organizasaun, inklui téknika informátika.

“Depois kuandu informasaun sira ne'e ami hatutan ba membru kooperativa sira hodi hatene mós informasaun kona-ba matéria sira ne'e, atu nune'e sira bele promove iha sira-nia kooperativa, jere did'iak kooperativa atu nune'e bele hetan rezultadu di'ak husi sira-nia membru nomós husi komunidade”, dehan nia.

SEKoop mós planeia ona katak, iha futuru sei hamosu programa promove grupu kooperativa sira atu aprende mós teknolójia modernu, atu manda relatóriu ka asuntu nesesáriu bele liuhusi internete.

“Kuandu iha postu, munisípiu, sira bele manda direta husi teknolojia informasaun (IT), atu nune'e iha parte nasionál bele haree kona-ba situasaun no dezenvolvimentu kooperativa”, dehan nia.

Entretantu, konferénsia internasional ne'e realiza, tanba servisu hamutuk entre SEKoop ho governu Tailándia, liuhusi nia embaixada iha Timor-Leste, ligadu ho akordu kooperasaun ne'ebé molok ne'e parte rua assina ona.

Governu TL liuhusi SEKoop, sempre husu ba embaixadór Tailándia atu iha possibilidade kontinua eventu hanesan ba funsionáriu sira kada fulan, ho tipu seluk ne'ebé formadór sira presiza.

Partisipante sira iha konferénsia ne'e, hamutuk ema na'in-30, kompostu husi kargu xefia sira, inklui formadór sira rasik ne'ebé molok ne'e sertifika husi Institutu Nasionál Dezenvolvimentu Măo-de-Obra (INDMO) ba nível formadór nasionál. (*)

Rate this item
(0 votes)
Last modified on Tuesday, 01 June 2021 18:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter