“PNTL nomeia membru sira asumu kargu minimu tinan ida to'o tinan rua labele liu to'o tinan 10 tuir situasaun, no Komandante Hermenigildo subtitui kargu Adidu Seguransa iha Austrália, tanba ne'e koloka fali ofisiál balun ba Servisu Informasaun Polisia”, dehan Komisáriu Faustino da Costa iha Komandu Jerál PNTL, Kaikoli, tersa (01/06).
Mudansa ba pozisaun ne'e, liuhusi serimónia tomada pose ne'ebé hala'o direita husi Komandante Jerál PNTL, Komisária Polisia, Faustino da Costa, tuir despaxu númeru 209/CG-PNTL/V/2021.
Tanbe ne'e, husu ba Komandante Boavida atu kontinua presta servisu di'ak hodi fó kontribuisaun ba dezenvolvimentu instituisan PNTL hodi implementa lei no garante seguransa ba povu no nasaun.
Iha fatin hanesan, Komandante SIP, Superintendente Boavida Rebeiro hatete, nia parte prontu kolobora hodi hala'o servisu tuir orden husi Komandu PNTL nian.
“Ho kna’ar foun ne'ebé asume, nu'udár responsábilidade ida todan, maibé tenke servisu ekipa ida tenke solidu kontribui informasaun ba Instituisaun PNTL”, dehan nia.
Komandante SIP, Superintendente Boavida Ribeiro ho númeru ID-10073 hahú asume kargu iha loron tersa (01/04) tuir lei númeru 2 artigu 34 PNTL. (*)