Login to your account

Username *
Password *
Remember Me

Públika Rezultadu Visum Vítima iha Tasitolu, PNSIK Notifika FONGTIL Sai Suspeitu

Oknum PNTL ne'ebe baku hela negosiante iha tasitolu. Oknum PNTL ne'ebe baku hela negosiante iha tasitolu. Foto Suplay

Tempotimor (Dili)-Polísia Nasionál Servisu Investigasaun Kriminál (PNSIK) notifika Forum Organizasaun Naun Governamental Timor-Leste (FONGTIL) sai suspeitu ba kazu publikasaun rezultadu visum husi vítima ne'ebé hetan agresaun fíziku hosi oknum PNTL iha Tasitolu.

Diretór Ezekutivu FONGTIL Daniel do Carmo da Silva hatete, nia parte simu karta notifikasaun husi PNSIK ne’ebé FONGTIL sai suspeitu ba publikasaun kazu agresaun fíziku ne'ebé oknum PNTL halo iha Tasitolu.

Tanba ne’e, husu ba komandu PNTL atu halo atuasaun hodi kaptura komandante PNSIK ne’ebé hatudu presaun ba sosiedade sivíl bainhira hala’o ninia kna’ar.

"Ohin sira halo notifikasaun mai FONGTIL sai suspeitu ba kazu publikasaun rezultadu visum husi vítima ida ne'ebé hetan agresaun fíziku husi oknum PNTL iha Tasitolu ne'e. Ami sei keixa rasik ba Komandu Jerál PNTL liliu seksaun Investigasaun PNTL atu imediatu halo kapturasaun ba Komandante Investigasaun PNSIK, tanba nia halo buat arbiru de'it”, dehan Daniel Carmo da Silva ba www.tempotimor.com liuhusi telefone, segunda (31/05).

Maibé FONGTIL públika rezultadu kona-ba kazu membru PNTL baku negosiante ne’e bazeia ba evidénsia sira ne'ebé rekolla husi membru sira.

"Ami públika sai ami-nia rezultadu hodi haforsa ami-nia evidénsia sira bazeia ba atu ne'ebé halo husi oknum PNTL. Tanba ne'e aban (01/06) ami sei halo konferénsia imprensa hodi apela ba mundu liliu iha sudueste aziátiku, kona-ba saida mak PNTL halo ne'e hanesan nasaun ditadura nian, ne'ebé halo sosiedade sivíl laiha espasu atu halo nia papél, halo krítika buat ruma ne'ebé sala ka la'o la loos”, afirma nia.

Nune'e, parte FONGTIL sei levanta kazu ne’e, tanba konsidera notifikasaun PNSIK nian ne’e hanesan presaun ida ba sosiedade sivíl atu labele hala'o ninia servisu.

“Ami ko'alia tanba hanesan sidadaun di'ak, maibé ami sei levanta kazu ne'e ba públiku, tanba ami konsidera kazu ne'e hanesan presaun ida para sosiedade sivíl labele halo nia servisu nu'udar parseiru espesífiku ida ne'ebé mai atu halo advokásia bazeia ba evidénsia, tanba rezultadu visum ne'ebé ami hato'o ne'e evidénsia, ne'e rezulta husi ami-nia servisu, la'ós ami ba foti tutan husi PNTL ka ba foti tutan iha Ministériu Públiku hodi ami públika, maibé ami públika rezutadu bazeia ba membru FONGTIL hanesan Pradet mak halo”, dehan nia.

Ho asaun ne’e hasoru, FONGTIL nunka ta'uk, tanba presaun fó nafatin apoiu, asisténsia ba vítima ka populasaun ne'ebé hetan agresaun fíziku husi entidade públiku hanesan PNTL no Governu sira bainhira halo prátika ne'ebé deskonfia víola direitu umanu korupsaun, koluzaun no nepotizmu.

“Ami kontinua ami-nia papél ami la hakfodak ba terror ba presaun psikolojia ne'ebé halo husi ita-nia pesoál sira ne'ebé servisu iha Investigasaun Kriminál PNTL nian”, deklara nia.

Ba notifikasaun ne’e FONGTIL mós hato'o keixa ba Provedoria Direitu Umanu no Justisa (PDHJ) hanesan instituisaun ne'ebé defende direitu umanu atu defende direitu nu'udar sidadaun iha estadu direitu demokrátiku bazeia ba konstituisaun RDTL ne'ebé entidade iha livre espresa faktu no realidade, maibé etan presaun psikolojia husi PNTL hodi kriminaliza.

Razaun iha karta nofikasaun PNSIK nia ne'ebé entrega ba FONGTIL ne’e tanba, FONGTIL keixa ona kazu membru PNTL halo agregasaun fíziku hasoru negosiante ambolante ba Ministériu Públiku (MP).

Entretantu, kazu agresaun fíziku ne'ebé oknum PNTL halo hasoru negosiante fa’an nu’u Octávio Thal iha Tasitolu ne'e akontese iha loron 23 fulan-maiu tinan 2021, hafoin iha loron 24 fulan-maiu vítima keixa kedan PNTL ba Ministériu Públiku ne'ebé akompaña husi FONGTIL. (*)

Rate this item
(6 votes)
Last modified on Tuesday, 01 June 2021 11:57
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter