"Atu dehan de'it katak, ami na’in-lima, hanesan oan rasik, dadaun ne'e iha hela situasaun tristeza nia laran, e hanesan oan, ho respeitu ami husu ba família husi măe ho pai nian atu lalika deskonfia malu ou dun malu”, dehan oan-mane husi matebian LM, Teleziano Madeira Carvalho, liuhusi konferénsia imprénsa, iha rezidénsia Bebonuk, sábadu (22/05).
Kazu ne'e prosesa ona, entaun familia sira hakmatek hodi kontribui ba justisa.
“Husu ba família parte husi Măe ho Pai nian atu hakmatek nafatin hodi kontribui ba prosesu justisa, tanba oan ami mak hatene no koñese komportamentu ou hahalok husi ami-nia Măe ho Pai”, Dehan nia
Hanesan oan husi matebian ho aman faluk Teófilo Caldas, sira na'in-lima mós iha sentimentu domin ne'ebé boot no klean tebes ba inan-aman.
Nune'e, ho deklarasaun ne'ebé sira hato'o ona bele halakon dúvida sira husi públiku nia hanoin.
"Ami lahaluha hato'o mós agradese wa'in ba parente sira hotu ne'ebé akompaña ona ami nia inan nia mate-isin to'o prosesu funerál remata”, nia agradese
Matebian LM hakotu iis ho kondisaun tara-an iha ninia rezidensia Aldeia 20 Setembru, Suku Bebonuk, Postu-administrativu Dom Aleixu, Munisipiu Dili, loron 16 Fulan-maiu tinan 2021. (*)