Tanba tuir regra ne’ebé estabelese ona, kuandu mosu insidente em tara-an, Polísia Nasiona no Investigasaub Kriminál (PNSIK) no Polísia Sientífika no Investigasaun Kriminál (PSIK) mak iha kompeténsia lori ba autópsia hodi-bele idenfika motivu husi tara-an ne'e.

"Mais, (que serto) ne'e ita iha regra ida, médiku sira mak tenke hatene, investigadór sira, PNSIK no PSIK, ne'e sira hatene, kuandu sira ba halo autópsia ba mak indika dehan iha indisius ruma, nia rezultadu ne'e mak determina”, dehan nia iha PN, kuarta (19/05).

Ho ida ne'e, kazu tara-an iha bebonuk, Komisaun A sei laiha objesaun no hein de'it rezultadu investigasaun kuandu finaliza ona, tanba iha estadu diretu demokrátiku ne'e, ko’alia tenke bazeia ba faktu.

"Lolos mak ida autópsia ne'e, rezultadu autópsia ne'e iha ona ga seidauk, estadu diretu demokrátiku ne'e, buat hothotu koalia bazeia faktus”, afirma nia.

Maske, iha situasaun ne'e, familía sira hato'o deklarasaun no deskonfiansa, maibé tenke bazeia mós ba rezultadu faktu tanba autópsia ne'e mak bele determina.

“Ema ida-idak bele deskonfia ema seluk, no bele mós deskonfia ita-nia an rasik, ne'e normál”, deklara nia. (*)