Tempotimor (Dili)-Deputada husi bankada Kmanek Haburas Unidade Nasional Timor Oan (KHUNTO), Olinda Guteres, sei izola-an iha uma, tanba detetadu ona pozitivu Covid-19.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo deklara, SARS-CoV2 hamate timoroan mane ida ho idade 59 iha Izolamentu Vera Cruz, loron 27 fulan-maiu 2021, maizoumenus tuki 11:50 otl.

Matebian ne'e hela iha Mascarenhas, Postu Administrativu Vera  Cruz, iha loron 27 fulan-maiu dader maizomenus tuku 3:00 madrugada  ba halo tratamentu iha Hospital Nasionál Guido Valadares (HNGV) ho keixa isin-manas, muta, kabun laran moras durante loron 2 iha uma.

Matebian iha mós istória operasaun fatuk iha rins hafoin halo ezame fiziku no ezame komplementar sira seluk, médiku sira to’o iha diagnóstiku traballu (working diagnosis) peritonite ho septic shock.

"Deteta mós pozitivu SARS-CoV2 ho Cycle Threshold  (CT) N2gene 40,8, Egene 38,8 husi HNGV transfere ba fatin izolamentu Vera Cruz, no iis kotu iha tuku 11:50 oras timor-leste (otl) ho multiple organ failure”, dehan Rui liuhusi komunikadu imprensa, kinta (27/05).

Entretantu, totál mate (óbitu) iha Timor-Leste hamutuk ema na’in-15 iha Dili 14, Likisá na'in-1 inklui mós sidadaun Xineza na'in-1 ne’ebé mate tanba Covid-19. (*)

Tempotimor (Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, husu ba jornalista foun sira ne’ebé integra-an iha Ajénsia Notisioza Timor-Leste (Tatoli.IP) atu servisu ho profisionál.

"Ha'u husu ba ita-boot sira ne’ebé dadaun ne'e integra-an iha Tatoli, tenke la'o tuir lei no prinsipiu planu estratéjika dezenvolvimentu sustentabilidade no komunikasaun sosiál nia”, dehan Ministru Francisco iha edifísiu Tatoli, Fatol, kinta (27/05).

Ba jornalista sira ne'ebé foin integra, atu transmite informasaun ho los tanba diversifika ne'e, informasaun tenke to’o lalais ba komunidade.

“Ajénsia estadu servisu labele hanoin atu halo saida mak kontradis ho situasaun real, maibé servisu bazeia ba programa dezenvolvimentu estadu nia”, afirma nia.

Ho ida ne’e husu ba funsionáriu no jornalista foun sira atu komprende didi’ak estatutu hafoin bele hala'o funsaun loloos tuir ajensia ninia objetivu. 

“Sai jornalista la'ós fahe informasaun ne'ebé lalos ba komunidade sira maibé tenke fó informasaun ne'ebé loloos ba komunidade atu nune'e publiku nafatin iha fiar ba ita”, deklara Francisco. (*)

Tempotimor (Dili)-Primeiru Ministru (PM), Taur Matan Ruak deklara, pandemia Covid-19 ne'ebé mosu iha Timor-Leste hodi trava ezekusaun Orsamentu Jerál Estadu (OJE) 2021.

Tempotimor (Dili)-Sentru Integradu Jestaun ba Krize (SIJK) hahú rejistu kazu rekuperadu durante oras 24 nia laran (27/05/2021) hamutuk 225.

Tempotimor (Dili)-Ministra Negósiu Estranjeiru no Kooperasaun (MNEK), Adaljiza Magno hatete, nia parte sei kontinua luta adezaun Timor-Leste (TL) ba Association of Southeast Asian Nations (AZEAN) no Organizasaun Mundiál Komérsiu (OMC).

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19, Rui Maria de Araújo informa, ekipa saúde halo teste ba bebé ida foin moris iha sala izolamentu Vera Cruz ho rejultadu pozitivu ho Cycle Threshold (CT) N2gene 18,2, Egene 14,4.

Tempotimor (Dili)-Sekretáriu Estadu Kooperativa (SEKoop), Elizario Ferreira hatete, formasaun ba funsionáriu na’in-15 atu eleva kapasidade iha relasaun ho inspesaun auditoria.

Tempotimor (Dili)-Pasiénte Timoroan hamutuk na'in-14 ne'ebé hala'o tratamentu saúde iha Ospitál Siliwang Jakarta Indonézia fila ona mai Timor-Leste (TL), kinta (27/05).

Tempotimor (Dili)- Diresaun Nasionál Meteorolojia no Jeofízika (DNMG) husu ba Munisípiu 7 iha kosteiru sira atu fó atensaun ba velosidade anin lokalmente forte bele sustenta 65 Km/h.