"Formasaun ida ne’e organiza husi Gabinete inspesaun auditoria SEKoop atu eleva kapasidade funsionáriu sira atubele akompaña monitoriza superviziona internalmente funsionáriu sira-nia serbisu iha ezekutivu”, dehan Elizario Ferreira iha salaun Fokupers, kinta (27/05).
Aliende ne’e akompaña mós dezenvolvimentu no movimentu kooperativa nia ne'ebé mak eziste ihaTimor-Leste.
Tanba, dadaun ne'e iha 167 kooperativa mak funsiona hanesan instituisaun, presiza forte ho koñesimentu ne'ebé di'ak atubele akompaña prosesu dezenvolvimentu Kooperativu.
Maibé, koperativa asegura ninia insisinalizasaun no sustentabilidade ho nia estabilidade finanseira no ekonómika iha vida kooperativa, hodi serbí didi’ak ninia membru sira nomós servi populasaun hodi kontribui ba dezenvolvimentu estadu nia.
Iha fatin hanesan Inspetór Gabinete inspesaun auditoria SEKoop? Henrique de Oliveira Ximenes hatete, atividade ne'e fó formasaun tekniku ba funsionáriu sira kona-ba inspesaun no auditoria, atu halo baze legalidade hodi formadu sira bele hatene no iha koñesimentu auditorial ba inspesaun no fiskalizasaun.
"Formasaun auditoria ne'e hare liu ba aspetu legalidade, kontabilidade, aperasionalizasaun e aspetu organizasaun no ida ne'e mak formadu sira sei hetan atubele asegura dezenvolvimentu instituisaun kooperativa nia”, dehan nia.
Entretantu formadu hamutuk na’in-15, feto 5 mane 10 no na’in-4 husi Gabinete Sekoop nian no sira seluk husi Diresaun aprovizional ne’ebé tuir formasaun durante loron tua ina laran. (*)
