Iha tinan kotuk, empregadór Tou’s Garden rekruta ona traballadór husi Timor-Leste hamutuk nain 40 resin. Maibé iha tinan 2019, kompañia ne'e rekruta de’it traballadór 23.
Adidu Armindo, iha enkontru ne'e tenta halo negosiasaun hó to'os na'in, atu bele hasa’e númeru traballadór husi Timor-Leste.
“Kona-ba ida ne'e, to'os na'in hatete pozitivu iha fulan Maiu 2020, sira sei direta rekruta traballadór timoroan nain 40 to'o 100,” hatete António Armindo.
Adidu ne'e mós, infórma ba toos na'in katak funsionáriu iha Timor-Leste liuhosi instituisaun SEFOPE sei fó apoiu 100% iha prosesu rekrutamentu ne’e.