SEFOPE-MF Lansa Relatóriu Dahuluk Lebantamentu Nasionál Traballu Infantíl

By Tempo Timor October 07, 2019 1000

font size decrease font size increase font size
Print
Email

Sekretáriu Estadu Formasaun Profisionál no Empregu (SEFOPE), Julião da Silva hamutuk ho Ministra Finansas interina, Sara Lobo Brites, hamriik hamutuk ho Komisaria ba Direitu Labarik no Diretor Statistika Nasional lansa relatóriu dahuluk ba Lebantamentu Nasionál Traballu Infantíl, Ministeiru Finansas Ai Tarak Laran, Dili (07/10) Foto Midia Sefope

Tempotimor (Dili) – Sekretáriu Estadu Formasaun Profisionál no Empregu (SEFOPE), Julião da Silva hamutuk ho Ministra Finansas interina, Sara Lobo Brites, Segunda (07/10/19) iha edifísiu Ministériu Finansas, Dili lansa relatóriu dahuluk ba Lebantamentu Nasionál Traballu Infantíl.

Iha okaziaun ne'e, governante na'in rua lansa mós relatóriu mini-levantamentu forsa traballu 2016.

SEFOPE dehan, relatóriu ne'e, nu'udar pasu ida importante ba governu atu halakon traballu infantíl iha nia forma hotu-hotu. Liuliu, forma aat liuhusi traballu infantíl ho lansamentu no públikasaun relatóriu analítiku husi lebantamentu nasionál kona-ba traballu infantíl iha Timor-Leste 2016.

Peskiza ba Lebantamentu Traballu Infantíl 2016 ne'e halo, servisu hamutuk Diresaun Jerál Estatistika, Ministériu Finansas, SEFOPE no hetan apoiu tékniku husi Organizasaun Internasionál ba Traballu (ILO).

Objetivu husi peskiza ne’e, atu bele hatene di’ak númeru kapasidade forsa traballu iha Timor-Leste, ne’ebé maka governu investe ona no mós bele hatene númeru dezempregu iha rai laran.

Peskiza ne’e, hatudu dadus númeru dezempregu 11% iha tinan 2011. Laiha diferensia ne’ebé bo’ot husi peskiza 2016. Tan ne’e, SEFOPE preve ona Orsamentu Jerál Estadu balun iha tinan 2020, hodi bele realiza fali peskiza foun.

Rate this item

(0 votes)

Last modified on Friday, 27 December 2019 22:24

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com