Sekretáriu Estadu Formasaun Profisionál no Empregu (SEFOPE), Julião da Silva, Sesta (27/09/19) iha enseramentu formasaun ne'e hatete, ho formasaun ne'e traballadór no mós empregadór, bele hala’o aktividade ho profisionál atu labele hetan asidenti ka moras.
“Konstrusaun balu iha ita-nia rai-laran, liga ho seguransa saúde traballu. Kompañia ladún iha asesmentu ne’ebé di’ak ba batraballadór sira, hanesan la uza kapaseti, luvas no sapatu ne'ebé ikus bele akontese asidenti traballu ba traballadóres sira,” Juliao hatete.
SEFOPE promete sei kontinua nafatin halo kooperasaun ho parseiru husi ILO atu bele fó formasaun hodi eleva di’ak liután koñesimentu inspetór sira nian, nune’e bele melloria di’ak liu sira-nia servisu.