Items filtered by date: Sunday, 01 May 2022

Tempotimor (Dili)-Primeiru Ministru (PM), Taur Matan Ruak, hamutuk ho Ministru Administrasaun Estatál, Miguel Pereira de Carvalho no nia Vise Minsitru, Lino de Jesus Torrezão, diskute mekanizmu planu implementasaun Uma Kbi’it Laek-Plus (UKL-Plus).

Tempotimor (Dili)-Ministru ba Asuntus Parlamentares no Komunikasaun Sosiál (MAPKOMS), Francisco Martins da Costa Pereira Jerónimo, kontinua hala'o diáogu ho komunidade Postu Administrativu Hatulia iha ámbitu Programa "Governu iha Povu Nia Le'et"-Naroman ba Suku.

Tempotimor (Díli)-Sekretáriu Estadu Kooperativa (SEKOOP) hamutuk ho ekipa, segunda (2/05) sei partisipa asembleia jerál Kooperativa Kréditu Uniaun Prospero (CCUP) iha Polo universidade Nasinál Timor Lorosa’e (UNTL) iha Aldeia Kuluhun, Suku Fuiloru, Postu Administrativu Lospalos, Munisipíu Lautein.

Tempotimor (Dili)-Primeiru Ministru (PM), Taur Matan Ruak, iha selebrasaun loron mundiál traballadór 01 Maiu deklara, traballadór sira sai nu’udar eroi foun ba dezenvolvimentu nasaun ninia.

Tempotimor (Dili)-Governu liuhusi Ministériu Finanasas (MF), Rui Agusto Gomes hamutuk ho Embaixadór Austrália iha Timor-Leste, Bill Costello lansa relatóriu Peskiza Populasaun Juventude Timor-Leste: Dezafiu Empregu husi “populasaun Juventude Ne’ebé Boot”.

Tempotimor (Dili)-Ministru Obras Públikas (MOP), Abel Pires da Silva, akompaña husi Vise Ministru MOP, Nicolau Lino Freitas Belo, atualiza ezekusaun projetu infraestrutura sira ba Primeiru Ministru (PM), Jenerál Taur Matan Ruak, iha Palásiu Governu, Dili.

Tempotimor (Dili) Ministru Finansas (MF), Rui Gomes hanesan mós membru Komisaun Interministeriál, prezide reuniaun ho Unidade Jestaun Projetu Portu Baía Tibar, ne’ebé ekipa Unidade Jestaun Projetu atualiza ba membru-sira Komisaun Interministeriál kona-ba progresu konstrusaun Portu Baía Tibar to’o iha fulan-marsu 2022 atinje ona pursentu hitunolu-resin-ualu (78%).

Tuir informasaun ne’ebé www.tempotimor.com asesu iha loron sábdu (30/04) katak, planu Projetu konstrusaun ne’e sei ramata iha fulan-outubru no hahú halo operasaun iha fulan-novembru 2022.

Bainhira hahú halo operasaun, Portu foun no modernu ne’e, sei fasilita movimentu importasaun no esportasaun sasán sira, redus atrazu, kustu tranzasaun inklui tempu libertasaun kontentór, hodi bele fasilita di’ak liután empreza no sira-nia atividade komérsiu.

Operasaun Portu Baía Tibar ne’e sei fasilita efisiénsia iha servisu alfandegáriu ne’ebé konsidera hanesan pasu importante ida ba Ministériu Finansas iha ámbitu Reforma Fiskál no Jestaun Finansas Públikas.

Ba reforma importante ida ne’ebé mak Governu anteriór sira inisia ona desde 2015. Tanba efisiénsia hirak ne’e mós sei ajuda Governu liuhusi Ministériu Finansas nomós utilizadór Portu hanesan importadór sira atu koleta reseita ho maneira ida ne’ebé lailais, justu no transparente.

Tanba Portu foun no modernu ne’e sei inklui ka’is ida ho bersus rua no terminál kontentór ho kapasidade movimentasaun kontentór hamutuk millaun ida kada tinan. Portu ne’e sei liga Timor-Leste ba merkadu komérsiu globál no sei hasa’e liután Timor-Leste ninia asesu komérsiu ba merkadória sira hanesan agrikultura, turizmu, peska, pekuária nomós indústria sira seluk-dalan ida atu ajuda Timor-Leste diversifika ninia produsaun. (*)

Tempotimor (Dili)-Sekretáriu Estadu Kooperativa (SEKOOP), Elizário Ferreira, husu ba funsionáriu sira husi SEKOOP atubele halakon egoismu iha Instituisaun noo hatudu ezemplu di’ak.

Tempotimor (Dili)-Ministériu Ensinu Superior Siénsia Kultura (MESSK) liuhusi Fundu Dezenvolvimentu Kapitál Umanu (FDCH) selebra kontratu ho ensinu Superior isra iha Timor-Leste hanesan Institutu no Universidade privadu hamutuk 12 ne'ebé sei akumula bolseiru bolsa parsiál tinan akademiku 2022.

Tempotimor (Dili)-Ministru Obras Públika (MOP), Abel Pires da Silva, orienta Preziente Eletrisidade Timor-Leste Empreza Públika (EDTL.ep), Paulo da Silva, atu urjentemente sosa tranformadór foun hodi ajuda operasaun fornesimentu enérjia eletrisidade ba kliente sira iha kapitál Dili liuhusi sub-estasaun Kamea-Dili.