Login to your account

Username *
Password *
Remember Me

Governu ho Embaixadór Austrália Lansa Relatóriu Peskiza Dezafiu Empregu

Ministériu Finanasas (MF), Rui Agusto Gomes hamutuk ho Embaixadór Austrália iha Timor-Leste, Bill Costello lansa relatóriu peskiza populasaun joven Timor-Leste. Ministériu Finanasas (MF), Rui Agusto Gomes hamutuk ho Embaixadór Austrália iha Timor-Leste, Bill Costello lansa relatóriu peskiza populasaun joven Timor-Leste. Foto Suplay

Tempotimor (Dili)-Governu liuhusi Ministériu Finanasas (MF), Rui Agusto Gomes hamutuk ho Embaixadór Austrália iha Timor-Leste, Bill Costello lansa relatóriu Peskiza Populasaun Juventude Timor-Leste: Dezafiu Empregu husi “populasaun Juventude Ne’ebé Boot”.

“Relatóriu ne’e kompriensivu tebes tambá aprezenta faktus ka informasaun kona-ba situasaun empregu Ita-nia Juventude sira, oportunidade ba empregu, prioridade polítika empregu, nomós polítika atu oinsá ajuda foin-sa’e Timoroan sira asesu ba empregu”, hatete Ministru Rui Gomes, iha Timor Plaza, sesta (29/04).

Haree husi estrutura demográfiku, Timor-Leste nia populasaun liliu grupu idade servisu entre tinan 15 no 24 boot tebtebes kuaze pursentu tolunolu-resin-hitu (37%) (sensu populasaun 2015).

“Ba ha’u, relatóriu ne’e hanesan alerta ida mai ita hotu, katak iha dezvantajen lubuk ida kuandu iha populasaun juventude ne’ebé boot iha piramida otas’, dehan nia.

Tanba dezvantajen boot ida mak dezempregu ne’ebé tuir relatóriu ne’e mak 33,6%. Ba taxa ida-ne’e aas tebes no iha futuru bele agrava liután.

Ho relatóriu ne’e mós mai iha tempu ne’ebé oportunu atu fornese informasaun xave sira ba polítika, programa no asaun sira iha futuru.

Husi perspetiva Ministériu Finansas, daudaun ne’e Governu prepara hela OJE 2023 no espera katak ho informasaun ida ne’e, polítika públiku sei bele efetivu liután.

“Ha’u hakarak hato’o apresiasaun sinseru ba DFAT liuhusi Embaixada Australia in Timor-Leste ne’ebé fó ona apoiu finanseiru hodi bele prodúz relatóriu importante ida-ne’e, nomós Monash University liliu ba Autór sira Professor Brett Inder, Dra. Nan Qu, no Dr. Leoneto Elizário”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter