Tuir Ajenda fixu ne'ebé www.tempotimor.com asesu iha sábadu (30/04) katak, Sekretáriu Estadu Kooperativa sei partisipa Assembleia Jerál CCUP nomós sei toma posse ba estrutura eleitu CCUP iha Munisípiu Lautein.
Dadaun ne'e CCUP iha ona membru hamutuk 78 (na’in hitunolu-resin-ualu) mane na’in-33 no feto na’in-45 foin halo atividade iha fulan-ualu (8) nia laran.
Kapitál atuál Kooperativa Prosperidade iha $9.907,50, membru Kooperativa 65 (neennolu-resin-lima) mak assesu kréditu husi Cooperativa Creditu Uniaun Prosperidade (CCUP) hetan akompañamentu husi SEKOOP.
Tuir konstituisaun RDTL artigu 50 alinea (5) Estadu Promove kriasaun Kooperativas produsaun nian no apoiu empreza familiar sira nu’udar ponte ba Empregu.
Alende ne'e mós iha Artigu 138 organizasaun ekonómika Timor-Leste nia hari’i husi konjugasaun forma ekonomia komunitalária ho liberdade ba inisiativa no jestaun emprezariál moris hanesan Setór Públiku, Setór Privadu, Setór Kooperativa no sosiál prosperidade meus produsaun nian. Ho ida ne’e inisiativa hari’e koopertiva Kreditu Uniaun (CU) iha aldeia Kuluhun, suku Fuiloru, Postu Lospalos, Munisípiu Lautein. (*)