Login to your account

Username *
Password *
Remember Me

MOP Orienta EDTL Urjente Sosa Transformadór Foun ba Sub-estasaun Kamea

Ministru Obras Públika (MOP), Abel Pires da Silva, akompaña husi Preziente Eletrisidade Timor-Leste Empreza Públika (EDTL.ep), obsrva hela sub-estasaun Kamea. Ministru Obras Públika (MOP), Abel Pires da Silva, akompaña husi Preziente Eletrisidade Timor-Leste Empreza Públika (EDTL.ep), obsrva hela sub-estasaun Kamea. Foto Suplay

Tempotimor (Dili)-Ministru Obras Públika (MOP), Abel Pires da Silva, orienta Preziente Eletrisidade Timor-Leste Empreza Públika (EDTL.ep), Paulo da Silva, atu urjentemente sosa tranformadór foun hodi ajuda operasaun fornesimentu enérjia eletrisidade ba kliente sira iha kapitál Dili liuhusi sub-estasaun Kamea-Dili.

Ministru akompaña husi Prezidente EDTL.EP halo inspesaun ba sub-estasaun Kamea rua mak atu orienta EDTL.Ep sosa transformadór ida tan no ida seluk mak transferénsia kapasidade téknika husi tékniku internasionál ba tékniku timoroan ne’ebé hala’o servisu iha sub-estasaun Kamea.

Tanba vizita ólio pezadu ne’e pertinente, primeiru tanba kapasidade ekipamentu transformadór ida daudauk iha Dili, sub-estasaun Kamea besik ona pursentu ualunolu (80%), fornesimentu enérjia ne’ebé foti husi Kamea ne’e nia kapasidade besik ona 80%.

Nune’e presiza halo preparasaun atu aumenta tanba 80% to’o 90% ne’e aas demais ona, rísku, mákina ida ho traballu ho kapasidade másimu ne’e bele estraga lalais.

“Ohin ha’u halo inspesaun para fó orientasaun ba EDTL.EP para halo prosesu aprovizionamentu lalais, tuir tender bazeia ba nesesidade esensiál ida-ne’e. Pontu segundu mak ha’u preokupa kona-ba transferénsia kapasidade, koñesimentu husi tékniku sira internasionál mai Timoroan sira. Uluk hanesan Prezidente komisaun E ha’u ba vizita ne’e timoroan laiha, ohin timoroan lubuk ida, entaun ita hanoin oinsá ba kontratu ida agora la’o daudauk ne’e husik transferénsia koñesimentu lai, kontratu tuir mai kompaña bele kontinua maibé staff internasionál tenke menus, see to’o iha ne’eba sira tenke hamenus para kompañia bele husi liur mais tékniku tenke timoroan, ne’e ita-nia planu, razaun rua ne’e mak lori ha’u ba sub-estasaun Kamea”, dehan Ministru Abel ba jornalista sira bainhira halo inspesaun ba reabilitasaun estrada iha Tasitolu, sesta (29/04).

Nune’e tenke tuir tender, tanba agora lei fó opsaun rua, mak tenderizasaun restritu, aprovizionamentu restritu ka konkursu restritu (bolu de’it) ne’e dehan empreza públika EDTL identifika kompaña ne’ebé iha forsa, iha kapasidade, iha duni biban atu halo fornesimentu ekipamentu espesífiku ida-ne’e lalais,

Iha mós azudikasaun direita, ne’ebé EDTL.EP nia desizaun mais enkoraza nafatin halo lalais aprovizionamentu tuir lei, tanba orsamentu rezolve ona ho montante millaun $6, maibé dalan atu sosa tenke lais.

“Sub-estasaun Kamea ne’e mak fornese enérjia eletrisidade ba Dili laran tomak, agora iha Dili daudauk ne’e iha tan instalasaun hanesan tore Ótel Hilton, Ótel ETO nian, Ensul nian tan, tribunál, edifísiu foun sira ne’e kuandu hotu, ne’e presiza enérjia, daudauk ne’e enérjia ne’ebé ita fornese mai ne’e mai husi ekipamentu ida naran trafo, trafo ninia kapasidade ne’ebé agora ita uza ne’e besik ona 80%, see edifísiu) boot sira ne’e mak funsiona, ninia demanda ne’e hasa’e tan kapasidade mákina ne’e”, hatete nia.

Tanba hanesan karreta halai 120KM loroloron bele rísku ba mákina, tanba ne’e mak hakarak aumenta tan mákina foun atu mákina tolu haat la’o hotu 40%, nune’e hamate ida, rua mak servisu ida hadi’a.

Dadaun ne’e labele tanba rua-rua traballu hotu, depois traballa ho kapasidade ne’ebé másimu ona, nesesidade atu orienta sosa mákina foun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter