Items filtered by date: Monday, 02 May 2022

Tempotimor (Dili)-Primeiru Ministru (PM), Taur Matan Ruak, bolu Ministru Asuntu Kombatetes Libertasaun Nasionál, Júlio Saramento da Costa “Meta Malik” no Sekretáriu Estadu Kombatete Libertasaun Nasionál Júlio da Conceicão “Loro Mesak” ko’alia teknikamente kona-ba fundu espesiál ne’ebé sei tau iha Orsamentu Retifikativu ba Veteranu.

“Ohin ami filafali urjenti oituan, ko’alia kona-ba teknikamente ba asuntus ne'ebé mensiona tiha ona loron ida rua ba kotuk iha Rezidénsia Farol, kona-ba fundu ne'ebé mak Governu atu tau iha Orsamentu Retifikativu ba ita-nia Veteranu”, hatete Ministru Meta Malik, iha Pálasiu Governu, kinta (28/04).

Tanba natoon hatete katak, dalaruma fó pensaun ba Veteranu mais injustisa, ema halai ba ai-laran tinan tolu-haat balun hetan tiha osan, mais balun gasta tempu tinan tolu iha ai-laran, mais la hetan bu'at ida.

“Tanba ne'e mak ohin urjente de’it Primeiru Ministru bolu fali ami mai atu diskute molok atu lori Retifikativu ne'e ba Parlamentu Nasionál, ida ne'e mak ha’u bele hato'o”, dehan nia. (*)

Tempotimor (Dili)-Vise Ministru Interiór (MI), António Armindo hatete, relasiona menus rekursu umanu iha instituisaun Polísia Nasionál Timor-Leste (PNTL) Ministériu husu komandu aprezentasaun dadus bazeia ba ofisiál sarjentu no ajente.

Tempotimor (Dili)-Koordenadór Gabinete de Apoio Sociedade Civil (GASC)-Gabinete Primeiru Ministru (GPM), Filipe da Costa hatete, dadauk Governu daualu kria ona fundu hodi apoiu entidade relijiozu sira-nia atividade iha Timor-Leste.

Tempotimor (Dili)-Ministru Obras Públikas (MOP), Abel Pires da Silva, lamenta ho empreza balun ne’ebé la kontribui ba estadu iha situasaun emerjénsia liliu iha Metiaut nian, ne’ebé kada tinan udan boot sempre hamosu inundasaun, udan-been lori rai no fatuk tama iha estrada klaran maibé kompaña nu’unka ajuda.

Tempotimor (Dili)-Governu liuhusi Ministru Administrasaun Estatál (MAE), Miguel Pereira de Carvalho, inaugura Uma ba Kbi’it La’ek (UKL) iha Postu Administrativu Lekidoe, Munisípiu Aileu, hamutuk 21 iha Suku Hitu, hanesan Suku Namolesu, Fahisoi, Manukasa Assubilitoho, Betulau, Berlelu no Faturilau.

Tempotimor (Dili)-Primeiru Ministru (PM), Taur Matan Ruak hato'o ninia boas festa no feliz ba komunidade musulmanu iha Timor-Leste ne'ebé mak selebra loron idul fitri.

Tempotimor (Dili)-Pregador husi Igreja Evangélica Assembleia de Deus (IEAD), pastór Apolinário Martins Prega, atu sai kristaun ne'ebé di'ak labele sai bosok ten iha Maromak nia futar oin.

Tempotimor (Baukau)-Sekretáriu Estadu Kooperativa (SEKOOP), Elizário Ferreira, ofisialmente inaugura Edifísiu Kooperativa de Kréditu Bieky Sahe (CCBS) iha Aldeia Bahamori, Suku Ostiku, Postu Administrativu Vemasse, Munisípiu Baukau.

Tempotimor (Dili)-Prezidente Repúblika (PR), Francisco Guterres ‘Lú Olo’, hato'o ninia sentimentu saudasaun ba sidadaun musulmanu iha Timor-Leste no iha mundu tomak tanba bele selebara loron idul fitri ho laran moos.