Login to your account

Username *
Password *
Remember Me

MI Husu Komandu PNTL Aprezenta Dadus Rekursu

Vise Ministru Interiór (MI), António Armindo. Vise Ministru Interiór (MI), António Armindo. Foto Suplay

Tempotimor (Dili)-Vise Ministru Interiór (MI), António Armindo hatete, relasiona menus rekursu umanu iha instituisaun Polísia Nasionál Timor-Leste (PNTL) Ministériu husu komandu aprezentasaun dadus bazeia ba ofisiál sarjentu no ajente.

‘Ha'u hanoin ne'e kestaun ida kuandu komandante jerál hatete, dehan rekursu limitadu ne'e ha'u hanoin ne'e razaun tanba ida ne'e mak semana hirak liuba ne'e ita hetan orientasaun verbal Primeiru Ministru nu'udar Ministru Interiór atu husu komandu halo netik aprezenta dadus bazeia ba ofisiál sira, sarjentu hira, ajente hira, sira ne'ebé mak moras difisiénsia mental ho difisiénsia fíziku sira ne'e iha ne'ebé ita haree to'ok hira mak ita presiza atu halo rekrutamentu prepara tina tolu ou haat mai”, dehan Vise Ministru Antonio iha Salaun Maubara Room Timor Plaza, Komoro, segunda (02/05)

Bainhira komandu halo aprezentasaun ba vise Ministru interiór ne'ebé hein hela segundu aprezentasaun orienta ona sira, tanba dadus balun seidauk kompletu entaun haruka ba para sira halo kompleta halo segundu halo aprovasaun hotu mak foin haruka aprezentasaun ne'e ba iha Ministru Interiór hodi foti desizaun hodi halo rekrutaamentu ka la’e?.

“Maibé ha'u fiar katak sua eselénsia Primeiru Ministru hanesan Ministru interiór sei foti desizaun ida ne'ebé mak pozitivu tebes atu nune'e bele ajuda apoiu ita-nia membru seguransa sira ne'ebé mak agora dadaun levanta loos kona ba limitasaun ne'ebé mak la to'o”, salienta nia.

Alende ne'e Komandante Jerál Polísía Nasionál Timor-Leste (PNTL), Komisáriu Faustino da Costa hatete, problema ne'ebé mak PNTL iha mak menus rekursu umanu, ne'ebé komandante Munisípiu sira sempre hato'o ba iha komandu jerál PNTL nian.

“Bem, iha prinsípius ida ne'e sai kestaun nasionál limitasaun de rekursu umanu ne'e problema ida ne'ebé prinsipál komandante sira seidauk halo sira-nia aprezentasaun mais sira sempre hato'o ida ne'e maibé komandu antisipa ona nia planu ba oin oinsá atubele iha kolokasaun membru sufisiente e tempu badak mós ami sei diskusaun kona-ba ida ne'e señór vise Ministru ba iha assuntu ida ne'e”, dehan nia.

Tanba intensaun ne'ebé mak prinsipál sei aprezenta limitasaun rekursu umanu ba Ministériu Interiór hodi diskute no aprova kona-ba oinsá halo rekrutaamentu foun ba PNTL hodi destaka iha nasionál no munisípiu sira.

Iha mós problema seluk klasiku antigu ne'e mak kestaun transporte nomós komunikasaun, maibé iha ona planu atu buka karreta foun hodi troka karreta tuan sira iha eskuadra PNTL nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2022 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter