Login to your account

Username *
Password *
Remember Me

MOP Lamenta Kompaña La Kontribui Estadu iha Situasaun Ermerjénsia

Ministru Obras Públikas (MOP), Abel Pires da Silva. Ministru Obras Públikas (MOP), Abel Pires da Silva. Foto Suplay

Tempotimor (Dili)-Ministru Obras Públikas (MOP), Abel Pires da Silva, lamenta ho empreza balun ne’ebé la kontribui ba estadu iha situasaun emerjénsia liliu iha Metiaut nian, ne’ebé kada tinan udan boot sempre hamosu inundasaun, udan-been lori rai no fatuk tama iha estrada klaran maibé kompaña nu’unka ajuda.

“Kompaña ne’ebé mak oferese de’it ba Governu ne’e ha’u haluha nia naran, mais ne’e Timoroan di’ak ha’u agradese ba nia. Ita hein katak kompaña hothotu laran luak hanesan ne’e, ne’ebé kuandu bee sobu favór ida besi-besik imi-nia uma oin ne’e ajuda ba. Iha kompaña ida, iha dalan ba Metiaut Ótel SK ninian estrada tuun mai ne’e, liu tiha Ótel Kalifornia, iha ne’eba estrada ne’e rai ho bee mai komu mota laiha mai sobu halai fali ba estrada, agora kompaña timoroan ida iha ne’eba ha’u la hatene nia naran, nia hasa’e tiha ninia fatin ne’e (moru), eskavatór sira iha laran, bee mai ho rai, fatuk sobu estrada, nalihun iha estrada tuun sa’e mais nia la interese, nia mak halo tiha buat ne’e mais nia la sente ne’e ninia responsabilidade. IJE (Institutu Jestaun Ekipamentus) ba hamoos mós nia la halo buat ida, mákina iha laran hela, kompaña sira hanesan ne’e mak la kontribui buat ida ba estadu ne’e”, dehan Ministru Abel ba jornalista bainhira halo inspesaun ba reabilitasaun estrada iha Tasitolu.

Tanba kompaña balun ne’ebé ninia naran tama iha lista projetu 143 nian, bainhira halo verifikasaun empreza ida mak hakarak oferese de’it projetu refere no lakohi Governu selu tanba projetu ne’e nia halo hanesan kontribuisaun de’it ba estadu.

“Projetu 44 mak seidauk (selu) mais ita verifika ida oferese ba estadu de’it, nia dehan ha’u lakohi, la presiza halo pagamentu, estrada oan ida husi Novu Turizmu mai Palásiu Governu, ne’e uluk sira hadi’a, sira dehan haluha ona, entaun hela projetu 43. Projetu 43 ne’e mós balun afinál projetu foun mai tender tiha ona be nia la relevante ona, entaun hela projetu 42, ne’ebé iha balun ita presiza prosesa, iha barak mak seidauk halo buat ruma, ne’e sei iha desizaun oin seluk, iha balun la’o ona, iha balun kompletu tan ona, ne’ebé bazeia ba kondisaun sira ne’e mak ita fó rekomendasaun para depois KAFI (Konsellu Administrasaun Fundu Infraestrutura) mak tetu, KAFI mak deside, ami-nia obrigasaun mak halo avaliasaun depois fó rekomendasaun”, informa nia.

Projetu hirak ne’ebé MOP tenta rezolve mak momentu sei iha Parlamentu Nasioál halo ona verifikasaun, servisu hamutuk ho Vise Ministru Obras Públika, dadaun preparasaun relatóriu ba fali KAFI, tanba ne’e projetu fundu infraestrutura sira de’it ne’ebé tenta resolve.

Tanba ne’e sei rezolve problema tuan ne’ebé mak mosu dezde 2017, mais ne’e responsabilidade estadu nian, Governu kontinua tau-matan ba ida-ne’e, ho neneik.

Projetu emerjénsia 42, daudauk ne’e iha ona eprezentasaun finál no hein hela relatóriu no husi relatóriu hirak ne’e mak MOP sei asina no lori ba KAFI hodi hetan aprovasaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2022 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter