Login to your account

Username *
Password *
Remember Me

FDCH Selebra Kontra Bolseiru ho Ensinu Superior Privadu 12

Diretor FDCH, Cristovio dos Reis. Diretor FDCH, Cristovio dos Reis. Foto Tempo Timor

Tempotimor (Dili)-Ministériu Ensinu Superior Siénsia Kultura (MESSK) liuhusi Fundu Dezenvolvimentu Kapitál Umanu (FDCH) selebra kontratu ho ensinu Superior isra iha Timor-Leste hanesan Institutu no Universidade privadu hamutuk 12 ne'ebé sei akumula bolseiru bolsa parsiál tinan akademiku 2022.

“FDCH asina kontratu ho institutu no Universidade privadu iha rai laran hamutuk sanolu-resin-rua (12), ami atu desloka ami-nia estudante sira ne'e ba iha Instituto no universidade privadu sira iha rai laran, ne'ebé asina direita husi Diretór Ezekutivu FDCH nian ho Reitór institutu no universidade privadu sira”, dehan Diretor FDCH, Cristovio dos Reis iha salaun Knowledge Center, sesta (29/04).

Tanba ne’e, prezidente institutu sira no hetan testemuña husi Ministru Ensinu Superior Siénsia no Kultura (MESSK), Longuinhos dos Santos ne'ebé hanesan Prezidente Konsellu Administrasaun ba FDCH.

“Hafoin estabelese tiha nota entendimentu ne'e, iha tempu besik FDCH sei koloka bolseirus bolsa parsiál ba universidade no institutu hodi hala'o sira ninia estudu ho nível oioin hahú husi Diploma III to'o Lisensiatura tuir área estudu ne'ebé bolseiru sira hili ona iha tempu inskrisaun ne'ebé FDCH realiza iha munisípiuiu hotu no RAEOA ho kooperasaun Ministeriu Edukasaun Juventudu no Desportu (MEJD)”, informa nia.

Tanba ne'e, FDCH sei implemtasaun programa bolsa parsiál ba dahuluk, iha tinan akademiku 2022 ne'e sei benefisia bolseiru hamutuk 1.000 ne'ebé sei hala'o estudu iha área importante sira hanesan Edukasaun, Saúde, Agrikultura, Enjeñaria no Teknolojia, Turizmu, Direitu no Siénsia Sosiál.

Durante bolseiru sira hala'o sira-nia estudu, Governu liuhusi FDCH sei apoiu finanseiru hodi selu kustu propina kada semestere to'o sira termina estudu no kustu moris bolseiru sira-nian sei selu husi inan-aman.

“Tinan ida ne'e, ita haloka osan ba bolsa hakbi’it, bolsa Parsiál, bolsa por meritu ba dosente sira ba mós bolsa individuais sira ne'e hamutuk 4 milhões”, dehan nia.

FDCH rekomenda ba benefisiariu sira hetan ona oportunidade ida ne'e, estuda didi'ak, ho nune'e di'ak ba sira-nia an rasik, di'ak ba futuru nasaun ne'e nian, atu garantiha ba sustentabilidade kontinuasaun ba pais ida ne'e.

Reprezentante Institutu no Universidade sira iha rai laran, Sidelízio Ornai Perreira, apresia ba programa bolsa parsiál nomós agradese ba inisativa, kooperasaun ne'e, hodi bele tuir programa ne'e, atubele fasilita Timoroan sira hodi bele asesu ba kualidade edukasaun ne'ebé mak hothotu hakarak.

Institutu no Univerisdade sira ne'ebé asina Memorandu Intendimentu ho MESSK ho FDCH mak Universidade da Paz (UNPAZ), Universidade Dili (UNDIL), Universidade Nasionál Oriental Timor Lorosa'e (UNITAL), Dili Institute Of Technology (DIT), Instituto Superior Kristal (ISC), East Timor Coffee Institute (ETCI), Institute Of Busines (IOB), Institute Profisional de Canossa (IPDC), Institute Ciênsia da Saúde Dili (SCS),  Instituto São João Brito (ISJB), institute Boaventura Timor-Leste (IBTL), Universiade Katolika Timor (UCT) no João Saldanha Institute (JSI).

Programa Bolsa Parsial ne'e implementa bazeia ba “Diploma Ministerial Numeru 78/2021 de 10 de Novembro relasiona com Regime de atribuigdo de bolsas de estudo para frequéncia no territorio nacional e regulamentagdo dos pedidos individuais de apoio financeiro ao estudo de Ensino Superior acreditado nacional. Artigo 4.” sobre atribuigio de Bolsa Parcial. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter