Tuir informasaun ne’ebé www.tempotimor.com, asesu husi mídia UNTL, sesta (22/09/2023) katak, Prezidenti Konsellu Jerál, João Batista Fernandes Alves hatete, reuniaun ne’e halo aprovasaun final ba estatuta foun universidade, atubele submete ba MESSK nune’e bele apresenta iha Konsellu-Ministru.
“Ohin ami halo aprovasaun finál ba estatuta foun universidade nian, tanba estatuta ne’e ami prepara kleur ona, entaun ami esforsu maka’as durante ne’e. Ami halo reuniaun dala hira tutuir malu hodi reve filafali, ohin ami halo revizaun ikus ona nune’e ami sei submete ba MESCC halo ajenda ba Konsellu-Ministru hodi diskute”, hatete João.
Partisipa iha reuniaun ne’e Magnífiku Reitór, João Soares Martins, hanesan membru ho membru sira Konsellu Jerál ne’ebé reprezenta husi fakuldade sira, reprezenta husi instituisaun públiku, sosiedade sivíl, relijiozu no asosiasun estudante. (*)