Embaixadora ne’ebé hala’o enkontru ho Primeiru-Ministru (PM), Kay Rala Xanana Gusmão, ko’alia kona-ba Governu Kuba durante ne’e apoiu formasaun ba mediku timoroan atus inklui apoia dotor no dotora espesialista sira mai servisu iha sentru saúde sira iha Timor-Leste.

“Ha’u mai informa ba Primeiru Ministru kona-ba Timor-Leste ho Kuba iha relasaun amizade di’ak tebes iha ona baze legál hodi sai mata dalan ida ba kuba atu kontinua apoia Timor-Leste iha áera hothotu, liliu médiku sira ne’ebé ba estuda iha Kuba no médiku Kubanu sira mai apoia servisu iha Timor-Leste”, informa Embaixadora Grisel Alina, hafoin ekontru ho PM Xanana iha Palásiu Governu, Dili.

Governu Kuba mós kontinua servisu hamutuk ho Ministériu Saúde, Ministériu Juventude Desportu Arte no Kultura no Universidade Nasionál Timor Lorosa’e (UNTL) hodi haruka mediku Timoroan no estudante sira ba hala’o estudu iha área pedagojia no arte nian.

Iha enkontru ne’e, Embaixadora informa mós ba PM Xanana atu haree planu ba oin governu bele investe osan hodi loke fabrika aimoruk no ekipamentu mediku nian iha Timor-Leste. (*)